Polsha turǵyny SQO polıtseıleriniń kómegimen otbasy tarıhyna qatysty tyń maǵlumattar tapty
SQO polıtsııa departamenti baspasóz qyzmetiniń málimetinshe, Polsha turǵyny, burynǵy otandasymyz, etnıkalyk nemis Lılııa Nelde áýlet tarıhyn qalpyna keltirýdi qolǵa alǵan. Ol eki jyl ishinde SQO polıtsııasynyń arnaıy muraǵatyna úsh ret suraý joldaǵan eken.
1936-37 jyldary onyń jeti birdeı týysy qýǵyn-súrginge ushyraǵan. Kolhoz fermasyn basqarǵan Edýard Ýlrıh atylǵan. «Kolos» kolhozynyń tóraǵasy Fedor Nelde, kolhozshylar Hrıstıan, Karl, Robert pen Gýstav jáne Ýlrıhtyń zaıyby Marııa 10 jylǵa sottalyp ketken.
Olardyń qatań jazalanýyna asyl tuqymdy aıǵyrdyń ólimi sebepshi boldy. Іs materıaldarynda veterınardyń janýarǵa jaqsy kútim kórsetilgen degen qorytyndysy bar. Alaıda aıǵyr «azaptap óltirildi» dep jazylǵan. Osydan keıin keńes úkimetine qarsy áreket jasady, fashıstik úgit júrgizýmen aınalysqan kontrrevolıýtsııalyq uıym qurdy jáne kolhozshylar arasynda ulttyq alaýyzdyq týdyrdy degen sol jyldarǵa tán aıyptaý paıda boldy.
«Men Máskeýde turatyn jıenime otbasymyzdyń ótkenin tereńinen zerdeleýge kirisken kómektesip jatyrmyn. Buǵan deıin de qýǵyn-súrgin jyldary týraly aıtarlyqtaı materıal jınastyrǵan edim. Ákemniń de, anamnyń jaǵynan da solaqaı saıasattan zardap shekkender bar. Qazaqstandyq zańnamaǵa sáıkes tanysýǵa bolatyn materıaldardy suryptap, málimetterdi jiberip aýqymdy jumys atqarǵan muraǵat qyzmetkerlerine zor rızashylyǵymdy bildiremin», – deıdi Lılııa Nelde.
Soltústik Qazaqstan oblysy polıtsııa departamentiniń arnaıy muraǵatynda 1930-50 jyldary zańsyz sottalǵan soltústikqazaqstandyqtarǵa jáne burynǵy keńestik áskerı tutqyndarǵa qatysty 5364 qylmystyq is jáne suryptaý materıaldary saqtalǵan.
SQO PD arnaıy memlekettik muraǵatynyń bas mamany Elmıra Valıýlınanyń aıtýynsha, qýǵyn-súrginge ushyraǵandardyń týystaryna protsessýaldyq emes sıpattaǵy materıaldar usynylady. Sondaı-aq iste bar bolǵan jaǵdaıda jeke qujattarynyń kóshirmelerin ala alady. Arnaıy muraǵatqa júginý tártibi týraly barlyq suraqtar boıynsha Petropavlda myna telefondar arqyly aqyl-keńes alýǵa bolady: (8-715-2) 39-41-58, 39-41-40.
6 jyl ishinde tártip saqshylary 215 adamǵa týystaryna qatysty qujattaryn taýyp, kómektesti.