Polsha elshisi: Qazaqstan kóptegen ulttardyń úıi boldy

KÓKShETAÝ. QazAqparat- Aqmola oblysy Tselınograd aýdanynyń jastary Qazaqstandaǵy Polshany Respýblıkasynyń Tótenshe jáne ókiletti elshisi Selım Hazbıevıch kezdesip, stalındik saıası kýǵyn-súrginge ushyraǵan polıaktar týraly estip bildi, dep habarlaıdy QazAqparat tilshisi.

HH ǵasyrdyń 30-shy jyldary Qazaqstan aýmaǵy saıası qýǵyn-súrginge ushyraǵandardyń úlken lagerine aınaldy. Kóptegen ónerkásip oryndarynda sottalǵandar men kúshtep eńbekke jegilgender jumys istedi.

Qazaqstandaǵy lagerlerde júzdegen myń adam jazasyn ótedi. Sol 30-shy jyldardyń sońynda qazaq jerine nemis, káris jáne polıak halyqtary sııaqty kóptegen ulttar jer aýdaryldy. Keńes úkimeti kezinde jappaı saıası qýǵyn-súrginge ushyraǵan ulttardyń arasynda polıaktar da kóp boldy.

«Sol kezde, kóptegen elder Keńes odaǵyn azat etýshi dep tanysa, polıaktar úshin nemisterden keıingi ekinshi jaýlap alýshy boldy», - dedi Selım Hazbıevıch jastarmen kezdesýinde.

Sonymen qatar, Polsha Respýblıkasynyń ókili sonaý qıyn-qystaý kezinde Qazaqstan kóptegen ulttardyń úıi bolǵanyn polıak halqy biletinin jáne tarıhtyń osy bir tusyn joǵary baǵalaıtynyn atap ótti.

«Qazaqstan kóp ultty memleket. Bul qoldan jasalǵan bolsa da, biz ony qurmetteımiz jáne taǵdyry ortaq ult bolyp qala beremiz», - dedi Aqmola oblysynyń ishki saıasat basqarmasynyń qoǵamdyq-saıası jaǵdaıǵa monıtorıng bóliminiń basshysy Oksana Salahova.

Shara sońynda barlyq qatysýshyǵa «ALJIR» memorıaldy-murajaı kesheninde ekskýrsııa uıymdastyryldy.