Polsha bir jylǵa EQYU tóraǵalyǵyn qabyldady
21:49, 01 Qańtar 2022
VARShAVA. TASS-QazAqparat – Polsha Shvetsııadan Eýropadaǵy qaýipsizdik jáne yntymaqtastyq uıymyna (EQYU) tóraǵalyqty qabyldap aldy. 1 qańtardan bastap respýblıka 57 el múshe halyqaralyq uıymnyń úılestirýshisi qyzmetin atqaratyn bolady, dep habarlaıdy QazAqparat TASS agenttigine silteme jasap.
Polshanyń premer-mınıstri Mateýsha Moravetskogonyń aıtýynsha, respýblıka bıligi álemniń osy bóligindegi beıbitshilik pen qaýipsizdikti saqtaý úshin qoldan kelgenin jasap, qaýip tóngen jaǵdaıda EO men NATO-ǵa júginetin bolady.
Budan erterek eldiń syrtqy ister mınıstri Zbıgnev Raý EQYU aýmaǵyndaǵy janjal men daǵdarystardy sheshý boıynsha josparlarymen bólisken edi. Polsha tóraǵalyǵynyń tolyq baǵdarlamasy qańtar aıynda Venada usynylmaq.