Polsha baıqaýshysy: Saılaý ádil ári ashyq ótip jatyr

ALMATY. QazAqparat - Qazaqstandaǵy saılaý týraly Polshadan kelgen halyqaralyq baıqaýshy Vıoleta Porovska óz pikirin bildirdi. Ol Almaty qalasynda 4-saılaý ýchaskesinde baıqaýshy bolǵan, dep habarlaıdy QazAqparat tilshisi.

Vıoletta Porovska Almatydaǵy 3 ashyq, 1 jabyq ýchaskede baıqaýshy boldy.

«Qazaqstandaǵy saılaýǵa barlyq derlik saılaý ýchaskeleri óte jaqsy daıyndalǵan. Halyqaralyq baıqaýshylardyń jumysyna eshqandaı shekteý qoıylmaǵan. Biz bir-birimizge suraq qoıyp, barlyq protsesti baqylap otyrdyq. Men bir ýchaskede 47-shi baıqaýshy bolyp qatystym. ıAǵnı, bul saılaýdy kóp eldiń baıqaýshylary baqylap otyr degen sóz. Saılaý ádil ári ashyq ótip jatyr», - dedi Vıoleta Porovska.

Halyqaralyq baqylaýshynyń aıtýynsha, Prezıdent saılaýynda múmkindigi shekteýli azamattarǵa daýys berýge barynsha jaǵdaı jasalǵan.

«Múgedek adamdarǵa daýys berýge jaǵdaı jasalǵan. Múmkindigi shekteýli azamattarǵa pozıtsııasyn bildirýge bar múmkindik berildi. Men jabyq ýchaskede, №4 aýrýhanada boldym. Ol jerde júre alatyn naýqastar ózderi baryp daýys berse, tósekte jatqan naýqastardyń konstıtýtsııalyq quqyǵyn paıdalanýǵa da múmkindik berildi», - dedi ol.

Vıoletta Porovska daýys sanaý protsesine qatysýǵa yntaly ekenin bildirdi..

Jalpy saılaýdy baqylaýǵa Almatyǵa 80 halyqaralyq baqylaýshy keldi.

Eske sala ketsek, búgin Qazaqstan Prezıdentin kezekten tys saılaý bastaldy. QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteıdi. Almatyda 563 saılaý ýchaskeleri jumysyn bastady. Qala boıynsha búginde 1 mıllıon 130 myń 792 saılaýshy tirkelgen.