«Plus capital» qarjy pıramıdasynan kelgen shyǵyn 3,5 mlrd teńgeni qurady

ASTANA. QazAqparat – «Plus capital» qarjy pıramıdasyna qatysy bar basqa da adamdardy anyqtaý is-sharalary júrip jatyr. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Іshki ister mınıstrligi Tergeý departamenti «Plus capital» JShS qyzmetkerlerine jáne basqa adamdarǵa qatysty qarjy pıramıdasy men alaıaqtyqty uıymdastyrý faktisi boıynsha sotqa deıingi tergeýdi júrgizip jatyr. Mańǵystaý oblysynda «Plus capital» qarjy pıramıdasyn uıymdastyrǵan qylmystyq top azamattardyń qarajatyn, jyljymaly jáne jyljymaıtyn múlkin zańsyz ıemdendi. Keltirilgen zalal somasy 3,5 mlrd teńgeden asty. 600-den astam adam jábirlenýshi dep tanyldy», - .dedi Sh. Turlybek mınıstrliktiń aptalyq brıfınginde.

Onyń aıtýynsha, bul iske qatysty oblys turǵyny men notarıýs qyzmetkeri ustaldy. Sot úkimimen olar 12 jylǵa bas bostandyǵynan aıyryldy. Qarjy pıramıdasyn uıymdastyrýshy adamǵa qatysty halyqaralyq izdeý jarııalandy.

«ІІM Tergeý departamenti qazirgi ýaqytta osy qylmysqa qatysy bar basqa da adamdardy qylmystyq jaýapqa tartyp jatyr», - dedi vedomstvo ókili.

Budan buryn habarlanǵandaı, elimizde bir aptada 3 myńǵa jýyq qylmys tirkeldi.