Planshetter oqýlyqtardy almastyrmaıdy, ol qosymsha qural bolady - mınıstrlik
Bul týraly QR Oqý-aǵartý mınıstrliginiń baspasóz qyzmeti taratqan aqparatta aıtylǵan dep habarlaıdy QazAqparat.
ıÝaspasóz qyzmetiniń málimetterine qaraǵanda, buǵan deıin ata-analar oqýshylardyń tsıfrly bilim berý resýrstaryna, elektrondy kúndelikterge, bilim berý platformalaryna, ásirese aýyldyq jerlerdegi oqýshylardyń teń qoljetimdiligi jáne rıýkzaktardyń aýyrlyǵyna baılanysty balalardyń denesine túsetin júkteme máselesin kótergen bolatyn.
Balalarǵa elektrondy kúndelikter, oqýlyqtar men tsıfrly bilim berý resýrstary ornatylatyn planshettermen qatar burynǵydaı basyp shyǵarylǵan oqýlyqtar da beriledi.
Osylaısha, balalar tsıfrly sabaqtarǵa, jattyǵýlarǵa jáne tapsyrmalarǵa qosymsha qol jetkize alady. Sonymen qatar mektepte baspa oqýlyqtaryn qoldanýǵa, keıin olardy sol jerde qaldyrýǵa jáne úı tapsyrmalaryn oryndap, qosymsha bilim alý úshin elektrondy qurylǵylardy qoldanýǵa múmkindik alady. Eger oqýshy planshetti paıdalanǵysy kelmese, onda onyń bas tartýyna jáne tek dástúrli oqýlyqtardy paıdalanýyna quqy bar.
«Planshetterdiń kómegimen balalar tsıfrly sabaqtarǵa, jattyǵýlar men tapsyrmalarǵa qosymsha qol jetkize alady. Interneti nashar óńirler úshin júktelgen tsıfrly sabaqtardy, tapsyrmalardy, bilim berý resýrstary jáne oqýlyqtardy oflaın paıdalaný múmkindigi bolady. Tsıfrlyq damý mınıstrligimen birlesip oqýshylardy elektrondy qurylǵylarmen qamtamasyz etýdi josparlap otyrmyz.
Eger qandaı da bir sebeptermen bala planshetterdi qoldanǵysy kelmese, onda ol ádettegideı dástúrli oqýlyqtardy jáne statsıonarlyq qurylǵylardan bilim berý resýrstaryn paıdalana alady. ıAǵnı planshetter oqýlyqtardy almastyrmaıdy, bul - oqýdyń qosymsha resýrsy. Tańdaý ata-analar men oqýshylardyń enshisinde bolady», - dep aıtty Oqý-aǵartý vıtse-mınıstri Aıbat Іlııasov.
Aıta keteıik, Osyǵan deıin QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Úkimettiń otyrysynda birinshi synyp oqýshylaryna jalǵa planshet berýdi usynǵan bolatyn. Mundaǵy maqsat – qazirgi tańda ata-analardyń alańdaýshyǵyn týdyryp otyrǵan aýyr rıýkzak máselesin sheshý jáne mektepterdegi tsıfrlandyrý deńgeıin arttyrý bolyp otyr.
Baǵdat Mýsın sondaı-aq Oqý-aǵartý mınıstrligimen birge, planshetterge qoıylatyn negizgi talaptardy, onyń ishinde ınternetke qol jetkizýge arnalǵan senimdi saıttar tizimin bekitýdi, oqýshylarǵa planshetterdi satyp alý men berýdiń jyl saıynǵy mehanızmin anyqtaýdy usyndy.
Ashyq kózderden alynǵan foto