Pııaz Reseı, Ózbekstan, Pákistan, Túrkimenstanǵa eksporttalady – AShM

<p>Osy jyldyń 8 aıynda elimiz 67 myń ponna pııazdy eksportqa shyǵardy. Bul jaıynda Aýyl sharýashylyǵy mınıstrliginen málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Kókónis ónimderin jınaý jumystary respýblıkanyń barlyq aımaǵynda júrgizilip jatyr. 26 qazandaǵy ákimdikterdiń jedel aqparaty boıynsha 3,3 mln tonna kartop, 3,9 mln tonna kókónis jınaldy. Onyń ishinde qyryqqabat – 511,6 myń tonna, pııaz – 1096,3 myń tonna, sábiz – 496,2 myń tonna. Statıstıkalyq málimetke sáıkes 2023 jylǵy qańtar-tamyz aralyǵynda 67,8 myń tonna pııaz eksporttaldy. Eksporttyń negizgi baǵyttary – Reseı, Ózbekstan, Pákistan, Túrkimenstan», - delingen mınıstrliktiń agenttiktiń resmı saýalyna bergen jaýabynda.

Mınıstrliktiń atap ótýinshe, kókónis ónimderiniń baǵasyn turaqtandyrý aıasynda óńirler aýyl sharýashylyǵy taýaryn óndirýshilermen forvardtyq kelisimder jasasý arqyly maýsymaralyq kezeńge arnalǵan rezervterdi qalyptastyrý boıynsha jumystardy júrgizip jatyr.

«Kelisimsharttyq kólemder maýsymaralyq kezeńde saýda jelileri, áleýmettik pavılondar jáne áleýmettik-kásipkerlik korporatsııalardyń menshikti saýda núkteleri arqyly bekitilgen tómen baǵamen satylady. Osylaısha, qazirgi ýaqytta 2024 jylǵy maýsymaralyq kezeńine (2024 jylǵy qańtar-sáýir aılary) 173,7 myń tonna kóleminde kókónis ónimderin jetkizýge forvardtyq sharttar jasaldy. Onyń ishinde kartop – 95,1 myń tonna, sábiz – 28,1 myń tonna, qyryqqabat – 22,2 myń tonna, pııaz – 28,3 myń tonna», - dedi vedomstvodan.