Pıter Foster: FlyArystan bıletteriniń ortasha baǵasy - 13 myń teńge

NUR-SULTAN. QazAqparat - QR Indýstrııa jáne ınfraqurylymdyq damý mınıstrliginiń keńeıtilgen alqa májilisinde qazaqstandyq FlyArystan loýkoster arqyly 875 myńnan astam bılet satylǵany aıtyldy, dep habarlaıdy QazAqparat tilshisi.

«Avıabılet qunyn azaıtý jáne áýe tasymaldaýda básekeni arttyrýdyń negizgi ádisiniń biri retinde ótken jyly alǵash ret qazaqstandyq FlyArystan loýkosterin iske qostyq. 2019 jyly 875 myńnan astam bılet satyldy, onyń 50%-ynyń baǵasy 10 myń teńgeden tómen», - deıdi QR Indýstrııa jáne ınfraqurylymdyq damý vıtse-mınıstri Berik Qamalıev.

Sonymen qatar, QR Premer-Mınıstriniń orynbasary Roman Sklıar Air Astana áýe kompanııasynyń basshysy Pıter Posterden loýkosterdiń baǵa saıasaty týraly surady.

«FlyArystan bılet baǵasy qanshalyqty tómendedi? Bılettiń jartysy eń tómengi baǵamen satylsa, ol Air Astana kórsetkishine qalaı áser etti?», - dep surady ol.

Pıter Foster FlyArystan tarıfteri básekege qabiletti ekenin aıtty.

«1 mamyr men osy ýaqytqa deıin satylǵan bıletterdiń ortasha quny - 13 myń teńge. FlyArystan satqan bıletter Air Astana kórsetkishine áser etken kezi boldy. Іshki naryqta tarıfter orta eseppen 10% tómendedi», - dedi Pıter Foster.

Air Astana basshysy ishki jolaýshylar aǵynynyń jalpy ósimi 2019 jyldyń 1 mamyrynda 62% quraǵanyn aıtty.

«Qazirgi tańda Qazaqstanda Air Astana kompanııalar toby álemdegi áýe tasymaly boıynsha ishki naryǵy eń jyldam ósip kele jatqanyn kórsetti. Biz osyndaı nátıje bolǵany úshin qýanyshtymyz», - deıdi ol.