Pırotehnıkalyq buıymdardy zańsyz satqandarǵa 40 mln teńge aıyppul salyndy

<p>Іshki ister mınıstrligi ótken jyldyń 25 jeltoqsany men 2024 jyldyń 3 qańtary aralyǵynda Tótenshe jaǵdaılar mınıstrliginiń azamattyq qorǵaý bólimsheleri qyzmetkerlerimen birlesip &laquo;Pırotehnıka&raquo; jedel aldyn alý is-sharasyn ótkizdi. <a href="https://kaz.inform.kz/" target="_blank" rel="noopener">Kazinform </a>bul týraly<a href="https://polisia.kz/" target="_blank" rel="noopener"> Polisia.kz</a>-ke silteme jasap habarlaıdy.&nbsp;</p>

Bul naryqta sertıfıkattalmaǵan pırotehnıkalyq buıymdardy satý faktilerin anyqtaýǵa jáne jolyn kesýge, sondaı-aq jeke jáne zańdy tulǵalarmen pırotehnıkalyq buıymdardyń aınalymy qaǵıdalarynyń saqtalýyna baǵyttalǵan. Іs-shara barysynda azamattyq qorǵaý bólinisteri qyzmetkerlerimen birlesip saýda oryndarynda 4,5 myńnan astam reıd júrgizildi.

Pırotehnıkalyq buıymdardyń aınalymy qaǵıdalarynyń 900-den astam buzýshylyǵy anyqtaldy (2022 jyly 800 derek). Barlyq quqyq buzýshy ákimshilik jaýapkershilikke tartyldy: onyń ishinde 800-den astamy erkin saýda jasaýǵa zańnamasymen tyıym salynǵan taýarlardy satqany úshin, pırotehnıkany paıdalaný tártibin buzǵany úshin – 32, pırotehnıkany saqtaý jáne tasymaldaǵany úshin – 4. Buzaqylarǵa shamamen 40 mln teńgeden astam aıyppul salyndy.

Іs-shara barysynda 12 myńnan astam sertıfıkattalmaǵan pırotehnıkalyq buıym tárkilendi. Pırotehnıkalyq buıymdardy paıdalaný kezinde jaraqat alýdyń profılaktıkasyna erekshe kóńil bólindi.

Ókinishke qaraı, qabyldanǵan sharalarǵa qaramastan, elimizde azamattar otshashýdy paıdalaný kezinde saqtyq sharalaryn saqtamaǵandyqtan kúıik alýdyń 23 faktisi tirkeldi, onyń ishinde 14 bala bar. Mysaly, Aqtóbe qalasynda ótken jyldyń 26 jeltoqsanynda keshke kópqabatty úıdiń aýlasynda 16 jastaǵy jasóspirim pırotehnıkany (jarylǵysh) durys paıdalanbaǵannan kózine zaqym kelgen.

Almaty qalasynda 1 qańtar túngi ýaqytta Aqjar shaǵyn aýdanynda pırotehnıkalyq jarylǵyshtardy qoldaný kezinde saqtyq sharalaryn saqtamaǵannan 10 jastaǵy balanyń beti men qoly kúıip qaldy. Osyǵan uqsas jaǵdaı Óskemen qalasynda 1 qańtarda boldy. 13 jastaǵy jasóspirim otshashýdy taýyp alyp jaqqan, ol onyń qolynda jarylǵan, saldarynan betin jáne saýsaqtary jaralanǵan.

Budan basqa eresek adamdar kúıik jaraqatyn alý faktileri de tirkeldi. Olar alkogoldik mas kúıinde qaýipsizdik sharalaryn saqtamaı, pırotehnıkalyq buıymdardy qoldanǵan, saldarynan ózderi ǵana emes janynda ketip bara jatqan adamdar da jaraqat alǵan.