Pırotehnıka satý erejelerin buzǵan 829 adam jaýapqa tartyldy – QR ІІM

ASTANA. QazAqparat – 25 jeltoqsannan 3 qańtarǵa deıin arnaıy jedel-profılaktıkalyq sharada 16 myńnan astam sertıfıkattalmaǵan pırotehnıka alyndy. Bul týraly Іshki ister mınıstrliginiń ókili Shuǵyla Turlybek aıtty, dep habarlaıdy QazAqparat tilshisi.

«Bul kúnderi polıtseıler TJ qyzmetkerlerimen birlesip, pırotehnıkalyq zattar men buıymdar aınalymy erejeleriniń saqtalýyn qadaǵalady. Máselen, pırotehnıkalyq ónimderdi satý erejelerin buzǵany úshin - 829 adam, bólinbegen jerlerde qoldanǵany úshin - 11, saqtaý jáne tasymaldaý tártibin buzǵany úshin 2 adam jaýapqa tartyldy», - dedi Shuǵyla Turlybek Іshki ister mınıstrliginiń aptalyq brıfınginde.

Jańa jyl qarsańynda otshashýdan 15 adamnyń kúıik alý faktisi tirkeldi, onyń ishinde kámeletke tolmaǵan 6 bala bar.

«Mysaly, elordada eki kámeletke tolmaǵan balasy bar er adam otshashýdy qoldanǵanda erni men qolyn kúıdirip alǵan. Al pırotehnıkany durys qoldanbaý saldarynan páterdiń balkony órtengen», - dedi resmı ókil.

Foto: Almaty qalasy TJD