Pınelopa Kafatrıdı kóptegen maıdangerlerdiń ómirine arashashy boldy

QYZYLORDA. QazAqparat - Soǵystyń alǵashqy kúnderinen-aq, qazaqstandyq áıelder áskerge ketken erlerdiń ornyn basty. Traktorǵa otyryp, poezdy basqardy. Egistik pen zavodtarda azannan keshke deıin eńbek etti, jaýyngerlerge kıim tikti.

Tylda olar naǵyz jaýynger rezerv boldy. Uly Otan soǵysynyń barlyq maıdandarynda, urystyń naǵyz qaınaǵan ortasynda aq halatt - sanıtarlyq nusqaýshy, medbıkeler, feldsher, dáriger qyzdardy kórýge bolady, olar Qarýly kúshterdiń medıtsınalyq qyzmetkerleriniń jartysyna jýyǵyn qurady. Olar myńdaǵan keńestik jaýyngerler men komandırlerdiń ómirlerin saqtap qaldy, jaralylardy urys alańynda tańyp, medsanbattar men gospıtaldarǵa jetkizdi. Solardyń biri - Pınelopa Kafatrıdı 1927 jyly 17 qarashada Abhazııada sharýa otbasynda dúnıege kelgen.

Uly Otan soǵysy bastalǵanda ol 14 jasta bolatyn. Kóptegen otbasylardy Qazaqstanǵa ákeldi. «Osy ýaqyttan bastap bizdiń ómirimiz meıirimdi, baýyrmal adamdar turatyn osy keremet qalamen baılanysty boldy», - deıdi Pınelopa Panataevna. Soǵys jyldary Pınelopa Kafatrıdı áskerı-sanıtarlyq poezda sanıtarlyq nusqaýshysy bolyp jumys jasady. Temirjol quramy bárinen buryn evakýatsııaǵa jáne jaralylar men aýrýlarǵa medıtsınalyq kómek kórsetýge arnalǵan. Vagondarda jaralylardy emdeýge jáne shyǵarýǵa arnalǵan arnaıy qurylǵylar, sondaı-aq, operatsııa jasaıtyn bólmesi, ashanasy boldy. «Jaralylardy maıdan dalasynan alyp shyqtyq, biz bárin jasadyq jáne emdedik, tamaqtandyrdyq, tylǵa jetkizip turdyq», - dep eske alady Pınelopa Panataevna. Soǵys jyldarynda osyndaı Pınelopa Kafatrıdı sekildi áıelder qanshama jaralylardyń ómirine arashashy boldy. Odan keıingi jyldarda da adamdardy qutqarý men kómektesý Pınelopa Panataevnanyń búkil ómirine ulasty. Órt kúzetinde dıspetcher bolyp jumys jasap júrip, taǵdyr ony kúıeýimen keziktirip, eki ul syılady. Pınelopa Kafatrıdı óziniń týystary men jaqyn adamdarynyń qýanyshy úshin ómir súredi, osyndaı eńbekqor, sypaıy, jany sulý áıel kúıeýi ólgennen keıin de eki balany ósirip-jetildirý qamymen ómir keshti. Qyzylorda oblysynyń TJD «ÓS jáne AQJQ» MM ujymy Pınelopa Kafatrıdıdiń úıinde bolyp, hal-jaıyn bilip turady. Jaqynda Qyzylorda oblysynyń TJD «Órt sóndirý jáne apattyq-qutqarý jumysy» MM basshylyǵy tyldyń eńbekshi áıeli Pınelopa Kafatrıdıdi Uly Jeńistiń 70 jyldyǵy qarsańynda quttyqtaýǵa keldi.

Ujym atynan olar tyl ardagerine quttyqtaý hat jáne syılyqtar tapsyrdy