Pıgý salyǵy Qazaqstanda baspana baǵasyn arzandata alady – sarapshy pikiri

NUR-SULTAN. QazAqparat – Pıgý salyǵy Qazaqstanda baspana baǵasyn arzandata alady. Mundaı pikirdi Qazaqstan Prezıdentiniń Joldaýyn talqylaýǵa arnalǵan jıynda «Memlekettik ǵylymı-tehnıkalyq saraptamalar ulttyq ortalyǵy» AQ-nyń vıtse-prezıdenti Jaqsylyq Sábıtov bildirdi, dep habarlaıdy QazAqparat tilshisi.

«Bizde, Qazaqstanda keıbir adamdar jyljymaıtyn múlik salasynda bir kireberiske tolyqtaı ıelik etedi. ıAǵnı, olar jyljymaıtyn múlikti ınvestıtsııa retinde qarastyrady. Al Batysta mundaı joq. Óıtkeni, seniń jyljymaıtyn múlkiń kóp bolsa, salyqty da kóp tóleısiń», - dedi ol.

Osy oraıda sarapshy elimizdiń jyljymaıtyn múlik salasyna Pıgý salyǵyn engizý qajet dep sanaıdy.

«Pıgý salyǵynyń túpki máni de sonda. Jyljymaıtyn múlkiń kóp bolǵan saıyn salyqty da molynan tóleısiń. Eger Pıgý salyǵyn bizdiń jyljymaıtyn múlik salasyna engizetin bolsaq, onda baspana baǵasy 15-20 paıyzǵa quldyrar edi. Óıtkeni, bir kireberisti tolyǵymen ıelik etip otyrǵan olıgarhtar ekonomıkalyq turǵyda tıimiz bolǵandyqtan satýǵa májbúr bolar edi», - dedi Jaqsylyq Sábıtov.

1877-1959 jyldary aralyǵynda ómir súrgen aǵylshyn ekonomısi Artýr Pıgýdyń qurmetine oraı Pıgý salyǵy dep atalǵan salyq túri qorshaǵan ortaǵa teris áserlerdi qysqartý úshin qoldanylǵan.