Phenchhandaǵy taý shańǵysy jarysy jelge baılanysty keıinge shegerildi

ASTANA. QazAqparat - Phenchhandaǵy qatty jelge baılanysty taý shańǵysy jarysy keıinge shegerildi, dep habarlaıdy QazAqparat Qazaqstan Ulttyq Olımpıada komıtetiniń baspasóz qyzmetine silteme jasap.

«Qazaqstandyq sportshy Marııa Grıgorova qatysatyn jarys 15 aqpanǵa qaldyryldy», - dep habarlaıdy UOK.

Buǵan deıin habarlanǵandaı, Marııa Grıgorova búgin jarysqa shyǵýy kerek bolatyn, fınal Astana ýaqytymen saǵat 10:45-ke josparlanǵan.

Sonymen qatar búgin qazaqstandyq sportshylar qatysatyn (Dmıtrıı Reıhard ta bar) bıatlon, frıstaıl jáne konkıshilerdiń jarysy bar.