Phenchhanda norovırýs juqtyrǵandardyń besten bir bóligi karantınde qalady

ASTANA. QazAqparat - Phenchhandaǵy Olımpıada oıyndarynda norovırýs juqtyrǵandardyń besten bir bóligi karantınde qala beredi, naýqastardyń sany 45 adam. 

Bul týraly Oıyndardy uıymdastyrý komıtetiniń ókili Son Pek ıÝ málim etti, dep habarlaıdy TASS.

Aýrý juqtyrǵandardyń arasynda shveıtsarııalyq eki frıstaılshy bar. Onyń bireýi 2015 jylǵy álem chempıony Fabıan Bosh. Ekinshi shańǵyshynyń esimi ázirge belgisiz, sebebi onyń jaqyndaryna sportshynyń norovırýs juqtyrǵany týraly áli aıtylmaǵan.

Juma kúni Olımpıada oıyndarynda atalmysh ınfektsııany juqtyrǵandardyń sany  244 adamǵa deıin ulǵaıǵan.

«Búgin naýqastardyń sany 17 adamǵa kóbeıdi. Norovırýsten barlyǵy 261 adam zardap shekti, 216 adam saýyǵyp shyqty»,-dedi Son Pek ıÝ.

Buǵan deıin uıymnyń qaýipsizdik qyzmetindegi 1200 adam vırýsqa baılanysty qyzmetterinen shettetilgen. Olardyń ornyna 900 sarbaz ákelingen.