Phenchhan men Kannynda olımpıadalyq qalashyqtar ashyldy

ASTANA.QazAqparat - Búgin Ońtústik Koreıanyń Phenchhan men Kannyn qalasyndaǵy olımpıadalyq qalashyqtar resmı túrde ashyldy, dep habarlaıdy QazAqparat Ulttyq Olımpıada komıtetine silteme jasap.

Olımpıadalyq qalashyqtardyń resmı ashylý saltanatyna 2018 jylǵy Olımpıada oıyndaryn uıymdastyrý komıtetiniń basshysy Lı Hı Bom, Halyqaralyq olımpıada komıtetiniń prezıdenti Tomas Bah jáne Koreıa sport mınıstrliginiń ókilderi qatysty.

Tomas Bah Olımpıadalyq qalashyqtyń qysqy Olımpıada oıyndary tarıhyndaǵy eń úzdigi ekendigin tilge tıek etip, barlyq sportshylarǵa sáttilik tiledi.
 

Aıta keteıik, búgin Phenchhanǵa birinshi bolyp Qazaqstannyń  bıatlonnan ulttyq quramasy jetti. Al konkıshilerimiz Japonııadaǵy oqý-jattyǵý jıyndaryn aıaqtap, erteń Koreıaǵa jol tartady.
   

Buǵan deıin habarlaǵanymyzdaı, Qazaqstan quramasy Olımpıadaǵa 57 joldama jeńip alyp, 46 sportshymyz qysqy sporttyń 9 túrinen baq synaıtyn bolady.

Esterińizge salaıyq, HHІІІ Qysqy Olımpıada oıyndary 9-25 aqpan aralyǵynda Ońtústik Koreıanyń Phenchhan qalasynda ótedi. Oǵan 95 memleketten 2900 sportshy men resmı ókilder qatysady dep kútilýde.