Phenchan olımpıadasynda chempıon atanǵan qazaq qyzyna Beıjińde júlde buıyrmady

NUR-SULTAN. QazAqparat - Búgin Beıjińde ótip jatqan Olımpııa oıyndarynda bıatlonnan áıelder arasyndaǵy sprınt jarysynda Belarýs atynan synǵa túsip júrgen qazaq qyzy Dınara Álimbekova júldeden tys qaldy, dep habarlaıdy QazAqparat tilshisi.

Degenmen ol áıelder arasynda bıatlonnan 7,5 shaqyrymdyq sprıntten TOP-15 sportshynyń qataryna endi.

Atalǵan synda jerlesimiz Galına Vıshnevskaıa-Sheporenko máre syzyǵyn 52-shi bolyp keskenin jazǵan bolatynbyz.

Atalǵan básekede Belarýs quramasynyń atynan synǵa túsip júrgen qandasymyz Dınara Álimbekova chempıonnan (+1:28,5) bir jarym mınýt keshigip, jalpy esepte 15-shi orynǵa taban tiredi.

Esterińizde bolsa, Dınara Álimbekova osydan tórt jyl buryn Ońtústik Koreıanyń Phenchan qalasynda ótken Olımpıadada chempıon atanǵan bolatyn.

Onda ol chempıondyq ataqqa bıatlonnan áıelder arasyndaǵy 4h6 shaqyrymdyq estafeta jarysynda qol jetkizgen edi.

Sol tusta Belarýs quramasynda Dınara Álimbekovamen birge Nadejda Skardıno, Irına Krıvko jáne Darıa Domracheva esimdi sportshylar synǵa tústi.

Dınara Álimbekovanyń ákesi – qazaq, aty – Talǵat. Sheshesi – belarýs.

Dınara 1996 jyly 5 qańtarda Qaraǵandy qalasynyń irgesindegi Abaı aýdanynda dúnıege kelgen.

Úsh jasynda Belarýs eline qonys aýdarǵan sportshy qyz kishkentaı kezinen bıatlonmen aınalysady.