PhD doktorantýraǵa qabyldaý tártibi elektrondy formatqa aýystyrylady
12:26, 15 Jeltoqsan 2020
NUR-SULTAN. QazAqparat - 2021 jyly PhD doktorantýraǵa qabyldaý tártibi elektrondy formatqa aýystyrylady. Bul týraly búgin QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Biz magıstratýraǵa qabyldaýdy jańa formatta ótkizdik. Bul da kóp máseleni sheship berdi dep aıta alamyz. Kelesi jyly PhD doktorantýraǵa qabyldaý tártibin de elektrondy formatqa aýystyrýdyń daıyndyq jumystary júrgizilip jatyr. Óıtkeni, PhD-ǵa qabyldaý boıynsha áli de biraz problemalar bar. Ony biz bilemiz. Sondyqtan bul máseleni de sheshýimiz qajet», - dedi Ashat Aımaǵambetov mınıstrliktiń apparat jınalysynda.
Sonymen qatar ol ustazdardy, oqytýshylardy jumysqa alý protsedýrasyn tıisti deńgeıge jetkizý, tsıfrlandyrý usynstarynyń oryndy ekendigin basa aıtty.