Pfizer vaktsınasy mektepterde saqtalmaıdy

ALMATY. QazAqparat – Almaty qalalyq qoǵamdyq densaýlyq basqarmasy basshysynyń orynbasary Svetlana Sultanǵazıeva brıfıng barysynda balalardy vaktsınalaýdyń shemasy qalaı josparlanǵanyn aıtyp berdi, dep habarlaıdy QazAqpara tilshisi.

Spıkerdiń sózinshe, vaktsınanyń qaýipsizdigi tolyq qamtamasyz etilgen. Mektepterge preparat berilmeıdi, ol arnaıy orynda saqtalady.

«Mekepterge vaktsınany suranys sanyna saı kóshpeli brıgadalar arqyly jetkizý josparlanyp otyr. 20 emhanasy iriktelip alyndy. Ol jerden ýaqytsha vaktsına pýnktterinen sanıtarlyq normalardy saqtaı otyryp, kóshpeli brıgadalar jaqyn mańdaǵy mektepterge jiberedi. Jol boıynda sýyq tizbekte saqtalady», - deıdi Svetlana Sultanǵazıeva.
Aıta keteık, Almatyǵa 46 800 doza bólindi. Munda birinshi jáne ekinshi komponent bar. Vaktsınalaý 21-28 kún aralyǵynda júrgiziledi.