Pfizer vaktsınasy Almaty qoǵamdyq densaýlyq saqtaý basqarmasynyń qoımasyna jetkizildi
Búgin tańǵy saǵat 7.00-de «Komırnatı» vaktsınasy áýejaıdan Qoǵamdyq densaýlyq basqarmasy vaktsınalardyń ortalyqtandyrylǵan qoımasyna kelip tústi. Budan soń, algorıtmge sáıkes Almaty qalasynyń barlyq emhanalyq uıymdaryna bólinetin bolady.
«Biz vaktsınanyń temperatýralyq rejımniń barlyq sharttaryn saqtaı otyryp jetkizilýin baqyladyq jáne oǵan kózjetkizdik. Biz 8 qorapta qaptalǵan vaktsına aldyq. Barlyq qoraptar zaýyttan vaktsına qoımasyna deıingi barlyq jol boıynda temperatýralyq datchıktermen jabdyqtaldy», - dedi Ortalyq qalalyq klınıkalyq aýrýhana dırektorynyń ınfektsııalyq baqylaý epıdemıologııalyq máseleleri jónindegi orynbasary Elvıra Ibragımova.
Onyń aıtýynsha, vaktsınalaý birinshi kezeńde medıtsınalyq mekemelerde, sodan keıin mektepter men JOO-da ótedi.
«Biz barlyǵy 46 800 doza aldyq. Munda birinshi jáne ekinshi komponent. Sondyqtan biz ekige bólýimiz kerek - birinshi komponenttiń 23 400 dozasy jáne ekinshisiniń 23 400 dozasy. Vaktsınalaý 21-28 kún aralyǵynda júrgiziledi», - dedi densaýlyq saqtaý basqarmasynyń ókili.
Vaktsınalaýǵa júkti, bala emizetin áıelder jáne 12 jastan 18 jasqa deıingi jasóspirimder jatady.
«Júktilikke qatysty da belgili bir merzimder bar - júktiliktiń 16-dan 37 aptasyna deıin. Bala emizetin áıelder-bala týǵan sátten bastap 42 kúnnen keıin»,- dep eske saldy dáriger.
Vaktsına qoımada Tselsıı boıynsha 60-tan-90 gradýsqa deıingi temperatýralyq rejımde saqtalady.
«Emhanalar vaktsına alǵan kezde temperatýra rejımi ózgeredi. ıAǵnı, vaktsınany saqtaý Tselsıı boıynsha + 2, + 8 gradýs temperatýrada júzege asyrylady. Bul nusqaýlyqta jazylǵan, bir aı ishinde atalǵan vaktsınany osy temperatýralyq rejımde saqtaýǵa bolady», - dep atap ótti Elvıra Ibragımova.
Aıta keteıik, keshe túnde elge Pfizer vaktsınasynyń alǵashqy partııasy jetkizildi.