«Pfizer kompanııasy vaktsına alǵandardy qashyqtan baqylaýǵa patent aldy» – feık

<p>ASTANA. KAZINFORM &ndash; Instagram-daǵy akkaýnttardyń birinde Pfizer kompanııasy vaktsınalanǵan adamdardyń baılanys ortasyn qashyqtan baqylaýǵa patent alǵany jóninde jazdy. Jarııalanym avtorynyń aıtýynsha, 18,5 myńnan astam osyndaı patentke búginde Spýtnık, Moderna jáne ózge de farmatsevtıkalyq kompanııalar ıe. Maqsat &ndash; adamzatty ortaq &laquo;serverge&raquo; qosý.&nbsp;<a href="https://stopfake.kz/kk/archives/21675" target="_blank" rel="noopener">Stopfake.kz-tiń</a>&nbsp;anyqtaýynsha, bul &ndash; jalǵan.</p>

Foto: stopfake.kz

Antıvakserler buǵan deıin de COVID-19 qarsy vaktsınalarda nanochıpter bolady degen teorııany alǵa tartqan bolatyn. Olardyń pikirinshe, vaktsına alǵan adamdardyń ómirin baqylap, qadaǵalaý kózdelgen. Faktchekerler bul aqparatty birneshe ret joqqa shyǵarǵan edi.

Bul joly usynylyp otyrǵan aqparatqa kelsek, patentti Pfizer kompanııasy tirkemegen. Ony Maıer Fenster men Gal Erlıh esimdi azamattar rásimdegen. Olar Izraıldegi Ehrlich and Fenster kompanııasynyń patenttik senim bildirilgen tulǵalary.

Qujattyń dári-dármekter men vaktsınalar shyǵarýǵa eshqandaı qatysy joq. Ónertabys 2021 jyldyń 31 tamyzynda rásimdelgen. Al ıdeıanyń ózi 2020 jyldyń kókteminde, koronavırýske qarsy vaktsınalar áli shyqpaǵan kezde paıda bolǵan.

Atap aıtqanda, ónertapqyshtar Bluetooth arqyly eń kommýnıkatıvti adamdardy anyqtaýdy usynǵan. Bul áleýmettik jelilerde eń kóp oqyrmany bar adamdar, demek olar naqty ómirde de adamdarmen belsendi aralasady. Gal Erlıhtiń aıtýynsha, vırýstyń taralýyn boldyrmaý úshin aldymen, osyndaı adamdardy egý tıimdi bolar edi.

«Adamdardy baqylaý protsesi elektrondy qurylǵylardyń kómegimen júzege asyrylǵan. Biraq eshqandaı da ishki elektrondy qurylǵylar emes, syrtqy. Patentti muqııat oqyp shyqsańyz, onda adamnyń boıyndaǵy chıpter emes, uıaly telefondar týraly jazylǵanyn túsinesiz.
Demek, Pfizer kompanııasynda vaktsınalanǵan adamdardyń baılanys ortasyn baqylaýǵa múmkindik beretin patent joq. Jarııalanymda patent derekteri burmalanǵan jáne ol oqyrmandardy shatastyrady», - delingen Stopfake.kz málimetinde.