Pfizer ekpesi revaktsınatsııa kezinde qoljetimdi bola ma

NUR-SULTAN. QazAqparat - QR Densaýlyq saqtaý mınıstri Alekseı Tsoı Pfizer vaktsınasy kimderge arnalǵanyn naqtylady, dep habarlaıdy QazAqparat tilshisi.

Ortalyq kommýnıkatsııalar qyzmetinde revaktsınatsııa aıasynda Pfizer vaktsınasynyń qosymsha dozalaryn jetkizý týraly suraldy.

«Bastapqy kezeńde basymdyqty sanattar aıqyndalady. Osy oraıda 12 jastan asqan balalar, júkti áıelder qamtylmaq. Al Dúnıejúzilik densaýlyq saqtaý uıymy maquldaǵan basqa vaktsınalar boıynsha eresek adamdar ekpe saldyra alady. Qazirgi kezeńde biz aldymen atalǵan sanattarǵa (Pfizer) ekpe qoıamyz», - dedi A. Tsoı.

«El boıynsha tońazytqyshtar jetkizildi. ıAǵnı tońazytqysh jelisi durys qoıylyp, ornatylady. Mınýs 80 temperatýralyq rejım Qazaqstan boıynsha qosylady», - dedi mınıstr.

Eske sala keteıik, Pfizer kompanııasymen 2021 jyldyń sońyna deıin Qazaqstanǵa 4 mln doza vaktsınany jetkizý boıynsha shartqa qol qoıyldy.