Pfizer-di gýmanıtarlyq kómek retinde alatyn tabysy tómen el emespiz - Tsoı

NUR-SULTAN. QazAqparat – Pfizer-di gýmanıtarlyq kómek retinde alatyn elderdiń qataryna kirmeımiz. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken baspasóz máslıhaty barysynda BAQ ókilderi mınıstrden Pfizer vaktsınasy Ózbekstanǵa jetizilgendigin aıta kele, atalǵan vaktsınany elimizge ákelý nelikten keshigip jatqanyn suraǵan edi.

«Eń aldymen, Ózbekstanǵa gýmanıtarlyq kómek retinde jetkizildi. Bul – AQSh tarapynan berilgen gýmanıtarlyq kómek. Biz kelissóz júrgizip jatyrmyz. Vaktsına bizge gýmanıtarlyq kómek retinde berilmeıdi. Óıtkeni, Qazaqstan ortasha baqýatty el sanalady. Negizinen Dúnıejúzilik densaýlyq saqtaý uıymynyń tabysy tómen elder sanatyna kiretin memleketterge jetkiziledi. Soǵan oraı bul elderge gýmanıtarlyq kómek retinde beriledi. Afrıka elderine jetkizilip jatyr. Qazaqstan mundaı elderdiń qataryna jatpaıdy. Bizde ýaǵdalastyq bar, Úkimetpen, Pfizer kompanııasymen kelistik. Taıaý ýaqytta jetkilikti kólemde alamyz», - dedi Alekseı Tsoı.

Onyń aıtýynsha, qazan men qarasha aılarynda elimizge Pfizer-diń 4 mln dozasy jetkiziledi. Bul 2 mln adamdy ekpemen qamtýǵa múmkindik beredi.