Petropavldyń úzdik polıtseıleri marapattaldy

PETROPAVL. QazAqparat -Petropavldyń Polıtsııa basqarmasynda qyzmette erekshe kózge túsken polıtseılerdi marapattaý saltanaty ótti, dep habarlaıdy QazAqparat tilshisi.

Polıtsııa basqarmasynyń qyzmetkerleri táýlik boıy oblys ortalyǵynda qylmyspen kúresip, qoǵamdyq, jol qaýipsizdiginiń saqtalýyn qadaǵalaıdy. Polıtseıler jumysynyń basym bóligi kózge kórinbegenimen, qaladaǵy qaýipsizdik tikeleı ofıtserler men serjanttardyń kásibıligine baılanysty.

SQO Polıtsııa departamenti baspasóz qyzmetiniń málimetinshe, meıram qarsańynda qyzmetin adal atqarǵan 6 polıtseı Petropavl qalasynyń ákimi Bolat Jumabekovtiń alǵys hattarymen marapattaldy. 8 qyzmetker kezekti arnaýly ataqqa ıe boldy. «Іshki ictep organdarynyń úzdigi» II dárejeli medalimen qalalyq Polıtsııa basqarmasynyń tyldyq qamtamasyz etý bólimi bastyǵy Qalabaı Bazarbaev marapattaldy.

«Men ishki ister organdarynda 1999 jyldan qyzmet atqaryp kelemin. Jeńis kúni qarsańynda osyndaı marapat alyp jatqanyma qýanyshtymyn. Áriptesterime, ásirese jas qyzmetkerlerge maıdan dalasynan jeńispen oralǵan ákeleri men atalarynyń erlikterin umytpaýlaryn tileımin», - dedi Qalabaı Bazarbaev.

Saltanatty jıynǵa polıtseılermen birge ishki ister organdarynyń ardagerleri de qatysty. Aıta ketsek, qalalyq Polıtsııa basqarmasynyń Ardagerler keńesiniń tóraǵasy Serǵalı Jumaǵulovtyń jetekshiligimen quqyqqorǵaý organdarynyń zeınetkerleri óz tájirıbelerimen bólisip turady, jas qyzmetkerlerge tálimger bolyp, Polıtsııa basqarmasynyń mańyzdy is-sharalaryna qatysady.

Polıtsııa basqarmasynyń bastyǵy Jandos Muhatov jeke quramǵa jáne ardagerlerge jasaǵan eńbekteri men adal qyzmetteri úshin alǵys bildirdi.

Іs-shara qalalyq mádenıet úıi shyǵarmashylyq ujymdarynyń kómegimen ázirlengen kontserttik baǵdarlamamen aıaqtaldy.