Petropavldyqtar búgin qoǵamdyq kólikpen tegin júredi

PETROPAVL. QazAqparat – Petropavlda búgin saılaýǵa baılanysty qalaishilik avtobýstarda júrý tegin, dep habarlaıdy QazAqparat tilshisi.

Petropavl qalasy ákimdiginiń baspasóz qyzmetinen málim etkendeı, Petropavlda búgin turǵyndar saılaý ýchaskesine tegin jete alady. Qoǵamdyq kólikter keshke deıin jolaqy almaıdy.

Jalpy, bul kúni kóptegen saılaý ýchaskesinde jergilikti ónerpazdardyń qatysýymen kontsertter bolady.

Al keı eldi mekenderde jármeńkeler de uıymdastyrylmaq.

MáselenAqqaıyń aýdany Poltavka eldi mekeninde saılaý ýchaskesiniń janynda kontsertten bólek, daýys berýge kelýshiler ystyq baýyrsaqtan dám tata alady. Merekelik saýda sattyq jáne jergilikti qolónershilerdiń kórmesi de uıymdastyrylǵan.

Soltústik Qazaqstan oblysynda búgin 631 saılaý ýchaskesi jumys istep jatyr. Daýys berýge 384 myńnan astam adam quqyly.

Óńir boıynsha 556 kandıdat tirkelgen. Olardyń 325-i er adam bolsa, qalǵan 231-i áıel.

SQO máslıhatyna birmandattyq okrýgterden 53 kandıdat tirkelgen. Petropavl qalalyq máslıhatyna 18 okrýg boıynsha 53 úmitker bar.

Aýdandyq máslıhattarǵa 145 okrýg boıynsha 455 kandıdat tirkeldi.

Al SQO boıynsha Parlament Májilisi depýtattyǵyna saılanýǵa 10 úmitker bar.