Petropavldyq ustaz Qazaqstan tarıhy boıynsha mobıldi qosymsha jasap shyǵardy

ASTANA. QazAqparat - Petropavl qalasyndaǵy №1 IT-lıtseıdiń pedagog-sheberi Sergeı Nıkýlın «Dúnıejúzi tarıhy» jáne «Qazaqstan tarıhy» pánderi boıynsha BJB, TJB men emtıhandarǵa daıyndalý úshin «Qazaqstan tarıhy boıynsha testter» atty mobıldi qosymsha oılap tapty.

QR Oqý-aǵartý mınıstrliginiń habarlaýynsha, qosymshada tarıh týraly bilimdi oıyn túrinde bekitýge kómektesetin ınteraktıvti tapsyrmalar men testter bar. Qazaqstan tarıhy boıynsha testileý qosymshasynda 130 taqyrypqa qatysty 4 726 suraq engizilgen.

«Meniń oqýshylarymnyń biri tarıh páninen qyzyǵýshylyǵy tómen boldy. Esesine ınformatıkany jaqsy kóretin. Birde oǵan osy eki baǵytty biriktirip, smartfonǵa arnalǵan qosymsha oılap tabaıyq. Ol kúrdeli taqyryptardy ońaı este saqtap, óz bilimińdi tekserý úshin kómekshi qural bolýy kerek degen edim. Joba júzege asty, qazir bul ıdeıa myńdaǵan oqýshy men muǵalimniń kóńilinen shyǵyp jatyr», - deıdi Sergeı Nıkýlın.

Sergeı Nıkýlın «Qazaqstan tarıhy boıynsha 4000 jaýap», «Qazaqstan tarıhynyń qysqasha kýrsy», «Qazaqstan tarıhynyń mektep kýrsy», «Qazaqstan tarıhy boıynsha mektep kýrsy» sııaqty UBT-ǵa daıyndyq boıynsha ádistemelik quraldardyń avtory. Ol óńirge «Zakroma ıstorıka» ınternet-resýrsy jáne «Tarıhshy Nıkýlın» atty jeke saıtymen tanymal. Pedagog Órleý biliktilikti arttyrý ortalyǵynda óziniń sabaq berý tájirıbesimen bólisip, oblys pedagogteri úshin sheberlik synyptaryn uıymdastyrady.