Petropavldyq dáriger medıtsınalyq týrızmdi damytýǵa atsalyspaq
Medıtsınalyq týrızmdi damytýǵa arnalǵan qazaqstandyq startap-ıdeıa Seýlde ótken baıqaýda júzge jaqyn jobanyń ishinen koreılikterdiń qyzyǵýshylyǵyn týdyryp, úshinshi oryndy jeńip aldy. Innovator dárigerdiń oılaǵany iske assa, sheteldikterdiń tarapynan elimizdiń klınıkalaryna degen suranys eselep artpaq.
Jobanyń ázirshe aǵylshyn tilinde jasalǵan tanystyrylym nusqasy ǵana ázir. Ideıany júzege asyrýshylardyń biri Asqat Áýbákirovtiń aıtýynsha, olar jasaǵan saıt «Gnosia» dep atalady. Grek tilinen aýdarǵanda «bilý» degen maǵynany beredi eken. ıAǵnı, kez kelgen syrqat halyqaralyq saıttan ózine qajetti aqparatty tegin biletin bolady.
«Bul jerde kez-kelgen dertti emdeý boıynsha qandaı klınıkalar bar ekendigi, olardyń reıtıngi, mamandary jaıynda maǵlumat beriledi. Saıt bolashaqta shet tilin bilmeıtin adamdarǵa yńǵaıly bolmaq. Bul jerde aýdarmashyny taýyp, unaǵan klınıkamen kelisimge otyryp, keıin esh qıyndyqsyz emdelýge barýǵa bolady», deıdi veb-dızaıner Asqat Áýbákirov.
Jalpy, bul medıtsınalyq startap - ujymdyq jumys. Kardıologııalyq ortalyqtyń rentgen-kardıohırýrgy Dmıtrıı Tenyń jetekshiligimen jıyrma shaqty adam jobany júzege asyryp jatyr. Startap-ıdeıanyń balamasy AQSh-ta ǵana bar. Soltústikqazaqstandyqtar «Gnosia» arqyly Qazaqstannyń, Ortalyq Azııanyń, Reseıdiń jáne Ońtústik Koreıanyń klınıkalaryn bir jerge shoǵyrlandyrmaq.
«Biz saıtqa eń aldymen qazaqstandyq klınıkalardy ornalastyramyz. Tanymaldyǵyn arttyrýymyz kerek. Óıtkeni, elimizde shetelden kem emes aýrýhanalar, mamandar bar. Petropavldaǵy kardıoortalyqqa arnaıy kelip, joǵary tehnologııalyq em alyp rıza bolyp ketip jatqan sheteldikter bar. Platforma ázirlenip jatyr. Biz bul jerde tolyq maǵlumat bolǵanyn qalaımyz. Saıtqa kirgen syrqattyń tańdaý quqyǵy bolýy kerek», - deıdi kardıologııalyq ortalyqtyń rentgen-kardıohırýrgy, joba jetekshisi Dmıtrıı Te.
Petropavldaǵy kardıologııalyq ortalyqta bıyl 50-den astam sheteldikke joǵary tehnologııalyq kómek kórsetilgen. Bilikti mamandar jetkilikti, medıtsınalyq mekeme sońǵy úlgidegi qondyrǵylarmen jabdyqtalǵan. Baǵasy da shetelmen salystyrǵanda anaǵurlym arzan. Dárigerdiń aıtýynsha, AQSh-ta koronarlyq shýnttaý otasy 100 myń dollar tursa, elimizde ony 20 ese tómen baǵaǵa jasatýǵa bolady. Elimizde medıtsınalyq týrızmniń damymaı otyrǵandyǵynyń bir sebebi - jarnamanyń joqtyǵy. Dárigerdiń aıtýynsha, Ońtústik Koreıa bul iste kósh ilgeri ketken. Mońǵolııanyń 1/3 bóligi, AQSh-tyń áskerı áýe bazasy, Qıyr Shyǵys turǵyndary - bári osy memlekette emdeledi. Bıyl tek 15 myń qazaqstandyq Ońtústik Koreıaǵa medıtsınalyq týrızmmen kelip, 1mlrd AQSh dollaryn qaldyryp ketken.
«Jobanyń jumysy óte kóp. Aqparatty tyrnaqtap jııý kerek. Suranys bolýy úshin, halyqaralyq mańyzǵa ıe bolýy qajet. Qazir klınıkalarmen habarlasyp aqparat jınap jatyrmyz. Olar syrqattarǵa qandaı kómek kórsete alady, baǵasy qansha bolady. Múmkin, portal arqyly tegin emdelý múmkindigi qarastyrylar. Áriptestik jaıynda kelissózder júrgizilip jatyr», deıdi kardıologııalyq ortalyqtyń rentgen-kardıohırýrgy, joba jetekshisi Dmıtrıı Te.
Bul - Dmıtrıı Tenyń ekinshi granty. Buǵan deıin ol Ońtústik Koreıanyń densaýlyq mınıstrliginiń kardıologııa jáne radıologııa salalary boıynsha bilim berý grantyn jeńip alyp, eki aı bilimin shyńdaǵan bolatyn. Al, osy joly syıǵa berilgen grant - 2000 AQSh dollary medıtsınalyq startapty tolyq júzege asyrýǵa jetkiliksiz. Koreılik ınvestorlardyń esebinshe, jobaǵa eń kemi 200 myń AQSh dollary qajet. Alaıda, soltústikqazaqstandyq ınnovatorlar moıymaıdy. Jańa jylda startap-ıdeıa nátıjesin bere bastaıdy degen senimde.