Petropavldaǵy jylý elektr ortalyǵyn jóndeý qarajaty 12 mlrd teńgege deıin ulǵaıtyldy - oblys ákimi

ASTANA. QazAqparat – Petropavl qalasyndaǵy JEO-2-de jóndeý jumystary júredi, dep habarlaıdy QazAqparat tilshisi.

«SEVKAZENERGO» kompanııasynyń aktsıonerlerimen JEO-2 jóndeý júrgizýge baǵyttalǵan qarajatty 6 mlrd teńgeden 12 mlrd teńgege deıin ulǵaıtý týraly ýaǵdalastyqqa qol jetkizildi. Bul qarajatqa JEO-2-nyń 11 qazandyǵy men 7 týrbına, jylý jáne elektr jelileri jóndeledi. Sondaı-aq, jańa tútin qubyry salynady. Qazirgi ýaqytta qubyrdyń qurylysy bastaldy. Barlyq jumystar baqylanyp, kestege sáıkes oryndalyp jatyr», - dedi Aıdarbek Saparov ortalyq kommýnıkatsııalar qyzmeti alańynda ótken baspasóz máslıhatynda.

Óńir basshysynyń málimdeýinshe, jańa tútin qubyry qurylysyn kúzge deıin aıaqtaý josparlanyp otyr.

Buǵan deıin habarlaǵanymyzdaı, jańa oqý jylynan bastap SQO-da bastaýysh synyp oqýshylary tegin tamaqtanady.

Sondaı-aq, Aıdarbek Saparov óńirde ónimdiligi joǵary egistik tehnıkalary kesheni qurastyralatyny týraly aıtty.