Petropavldaǵy tastandy: ájesi jıeninen bas tartqan bolyp shyqty

PETROPAVL. QazAqparat – Petropavlda 39 jastaǵy áıel basqa qalaǵa jumysqa ketken qyzynyń sábıinen bas tartyp, 3 aılyq balany polıtsııa ınspektoryna ustatyp jibergen, dep habarlaıdy QazAqparat tilshisi.

Soltústik Qazaqstan oblysy polıtsııa departamenti baspasóz qyzmetiniń málimetinshe, 15 qarasha kúni Petropavl qalalyq polıtsııa basqarmasynyń ıývenaldyq polıtsııa bólimshesine qorǵanshylyq jáne qamqorshylyq bóliminen habarlasqan. Maman oblys ortalyǵynyń 39 jastaǵy turǵyny 3 aılyq jıeniniń taǵdyryn sheshýge kómek surap júgingenin aıtqan.

Onyń aıtýynsha, sábıdiń 18 jastaǵy anasy qazan aıynyń sońynda basqa qalaǵa jumysqa ketken jáne osy ýaqytqa deıin oralmaǵan. Ájesi memlekettik organdardan balany úıden alyp ketýdi suraǵan.

ıÝvenaldyq polıtsııa bólimshesiniń qyzmetkerleri mekenjaıǵa baryp qajetti aktini toltyrdy, keıin qyz bala Petropavldaǵy oblystyq kópbeıindi balalar aýrýhanasyna ornalastyryldy.

Qazirgi ýaqytta polıtsııa qyzmetkerleri sábıdiń anasynyń júrgen jerin anyqtap jatyr. Onyń isi ata-ana mindetin tıisti oryndamaǵany boıynsha komıssııalyq jolmen qaralyp, ákimshilik sıpattaǵy shara qoldanylmaq.

Buǵan deıin Petropavlda tastandy sábıdiń oblystyq kópbeıindi aýrýhanaǵa ornalastyrylyp, jaǵdaıy tekserilip jatqanyn aıtqan edik. Dárigerler balaǵa tıisti kútim jasap, onyń aldaǵy taǵdyryn anyqtaý úshin Petropavl qalalyq bilim bólimi janyndaǵy qorǵanshylyq jáne qamqorshylyq organǵa suraý jibergen bolatyn.