Petropavldaǵy saýnalardyń birinen shyqqan órt sóndirildi
Keshe, saǵat 00.53-te 101 kezekshi pýltine Soltústik Qazaqstan oblysynyń Petropavl qalasyndaǵy saýnalardyń birinde órt shyqqany týraly habarlama túsken. Oqıǵa ornyna shuǵyl úshinshi joǵary shaqyrtý boıynsha órtke qarsy qyzmet garnızonnyń kúshteri men quraldary jiberildi.
Birinshi órt sóndirý bólimsheleri kelgen kezde ǵımarattyń ekinshi qabaty men shatyry janyp jatqan.
Qoıý tútin men kelý joldarynyń bolmaýy órt sóndirý jumystaryn qıyndatty.
Órt sóndirýshiler men jergilikti atqarýshy organ qyzmetkerleriniń úılesimdi áreketteriniń arqasynda órt jaqyn mańda ornalasqan ǵımarattarǵa taraǵan joq.
Órt saǵat 04.25-te aýyzdyqtalyp, tańǵy saǵat 5-te sóndirildi. Jalyn aýmaǵy 500 sharshy metrdi sharpyǵan. Órttiń sebebi men keltirilgen zalal anyqtalýda.
Órtti sóndirýge TJ departamentiniń 87 qyzmetkeri men 17 tehnıkasy, jergilikti atqarýshy organdardyń 8 qyzmetkeri men 4 tehnıkasy jumyldyryldy.
Órttiń aldyn ala sebebi elektr symdarynyń qysqa tuıyqtalýy bolýy múmkin.