Petropavldaǵy eskertkishterge QR-kodtar ornatylyp jatyr
Oblystyq Mádenıet, muraǵattar jáne qujattama basqarmasynyń baspasóz qyzmeti málim etkendeı, joba týrısterge Petropavldyń tarıhı eskertkishterimen ózdiginen tanysýy úshin jasalǵan. Ol úshin eskertkishterge mobıldik qosymsha arqyly oqylatyn kodtar ornatylady. Qosymshadaǵy shaǵyn kartada qyzyl syzyq týrısti qalanyń barlyq tarıhı mańyzǵa ıe jerlerine baǵyt silteıdi.
«Eskertkishter týraly eki tilde tolyq aqparat beretin baǵyt jasaldy. Taqtaıshalardyń úlgileri boıynsha QR-kodtar ornatyldy. Qazirgi ýaqytta 32 taqtaısha qoıyldy» , - dedi baspasóz qyzmetinde.
Jyl sońyna deıin QR-kody bar shaǵyn taqtaıshalar Qazaqstannyń kıeli jerler kartasyna engen tarıhı-mádenı eskertkishteriniń barlyǵynda paıda bolady.
Qazaqstan Respýblıkasynyń eskertkishteriniń memlekettik tiziminde Soltústik Qazaqstan oblysynyń tarıhı jáne mádenı 559 eskertkishi bar. Olardyń 8-i respýblıkalyq mańyzǵa ıe.