Petropavldaǵy birneshe turǵyn úı sýsyz qaldy

PETROPAVL. QazAqparat - Petropavldaǵy ortalyq sý qubyrlarynyń birinde bolǵan apattyń sebebin mamandar anyqtaýda, dep habarlaıdy «QazAqparat» HAA tilshisi.

«Qyzyljar sý» JShS sý jelisi ýchaskesiniń bastyǵy Aleksandr Sýponınniń aıtýynsha, keshe M.Jumabaev kóshesinde polıetılendi qubyr jarylyp, sý tasqyny oryn alǵan.

«Segizjúzdiktiń» (800 mm qubyr - red.) bir jerindegi tigisi shytynaǵan. Osy ýchaskedegi qubyrdy segiz jyl buryn aýystyrǵan. Oqıǵanyń sebebin anyqtaýdamyz, biraq apat aýa raıy qolaısyzdyǵynan bolǵan dep oılaımyz», - dep málim etti sý qubyry uıymynyń qyzmetkeri.

 

Qazir «Qyzyljar sý» JShS mamandary apattyń saldaryn joıýda. Aleksandr Sýponınniń sózine qaraǵanda, bes turǵyn úı sýsyz qalady. Sý qubyry keshke deıin qalpyna keltiriledi dep ýáde berdi.

Sý taratqyshtaǵy apat keshe keshqurym oryn alǵan .  Sý tasqyny M.Jumabaev kóshesinen bastalyp, Internatsıonal kóshesine deıin jetken. Jaqynda ǵana osy kóshede 1 qańtar kúni bolǵan apatty joıý jumystary aıaqtalǵan edi.