Petropavldaǵy áıelder kolonııasy kóshirilmek

PETROPAVL. QazAqparat – Petropavldaǵy áıelder kolonııasyn kóshirý josparlanǵan. Bul týraly №50 mekemede sottalǵan áıeldermen kezdesýde Soltústik Qazaqstan oblysy boıynsha Qylmystyq-atqarý júıesi departamentiniń basshysy Berik Bilálov málimdedi, dep habarlaıdy QazAqparat tilshisi.

SQO Qylmystyq-atqarý júıesi departamenti baspasóz qyzmetiniń málimetinshe, Petropavldaǵy áıelder kolonııasy aldaǵy ýaqytta basqa orynǵa kóshirilmek. Óıtkeni qazirgi ýaqytta mekemeniń ornalasqan jeri qylmystyq-atqarý júıesiniń kúzet obektilerin jabdyqtaý jónindegi talaptarǵa sáıkes kelmeıdi. ıAǵnı, nysannyń aýmaǵyna jalpyǵa ortaq paıdalanylatyn joldar, turǵyn jáne qyzmettik úıler, óńdeletin alqaptar jáne basqalar kirmeýi tıis.

«Qala aýmaǵynyń keńeıýine baılanysty mekemeniń aınalasynda turǵyn úıler, saýda, oıyn-saýyq ortalyqtary jáne taǵy basqa ǵımarattar kóptep salynyp jatyr. Sondyqtan mekemeni kóshirý qajet.

Jańa mekeme barlyq qajetti úı-jaılarmen: monsha, ashana, turǵyn jáne ónerkásiptik aımaq, mádenıet úıi, sportzal jáne mekteppen qamtylady. Barlyǵy standartqa sáıke, tekserýdiń jáne kúrdeli beınebaqylaýdyń jańa tehnologııalarymen jabdyqtalady», - dedi SQO Qylmystyq-atqarý júıesi departamentiniń bastyǵy Berik Bilálov sottalǵan áıeldermen kezdesý barysynda.

Qazir orta jáne orta arnaýly bilimi bar sottalǵan áıelder qashyqtan joǵary bilim ala alady. Osyǵan oraı jergilikti ýnıversıtet, bilim basqarmasymen memorandým jasasý máselesi qaralyp jatyr.

Kezdesýde sottalǵandardyń kópshiligi turǵyn úıge bastapqy jarnany jınaý úshin bankte depozıt ashýǵa qyzyǵýshylyq tanytty, bul bolashaqta qaıta áleýmettenýge oń áser etpek. Qazirgi ýaqytta yntymaqtastyq aıasynda oblystyń QAJ departamenti Otbasy banktiń jergilikti fılıalymen memorandým jasalǵan.