Petropavldaǵy «Jastar» stadıonynda jabyq kort órtendi

<p>PETROPAVL. KAZINFORM &ndash; Petropavlda órt sóndirýshiler &laquo;Jastar&raquo; stadıonynda shyqqan órtti aýyzdyqtady.</p>

Mamandardyń aıtýynsha, órt stadıonnyń janyndaǵy garajdan shyqqan. Lapyldaǵan jalyn jabyq fýtbol alańyna aýysyp, ol áp-sátte janyp ketti. Órt sóndirýshiler oqıǵa ornynda, joǵary dárejede jumys istep jatyr.

QR Tótenshe jaǵdaılar mınıstrliginiń málimetinshe, zardap shekkender týraly «112» nómirine aqparat túsken joq. Qazirgi ýaqytta órttiń aýmaǵy, kelgen shyǵyn anyqtalyp jatyr.

Buǵan deıin Petropavlda «Rahat» saýda ortalyǵy janyp ketken edi. 

Almaty oblysy Qaskeleń qalasyndaǵy bazardan órt shyqqanyn jazǵan bolatynbyz.