Petropavldaǵy sý tasqyny: 400 otbasy áli ýaqytsha pýnktte turyp jatyr

<p>PETROPAVL. KAZINFORM &ndash; Petropavlda 1 qazanǵa deıin tasqynnyń saldaryn joıý mindeti tur. Osy kúnge deıin baspanasyz qalǵandarǵa 925 páter alyndy, 289 jańa úıdiń kilti tapsyryldy. Jumys áli jalǵasady, qazir 400 turǵyn ýaqytsha ornalastyrý pýnktterin panalaýǵa májbúr.&nbsp;</p>

Petropavl ákimi Serik Muhamedıev qala halqy aldynda esep berdi. Negizgi taqyryp – tasqynnyń saldaryn joıýǵa qatysty.

«Tasqyn kezinde Petropavlda 2407 úıdi sý basty. Onyń ishinde 1650 úı turýǵa jaramsyz dep tanyldy, 757 úıde qalpyna keltirý jumystary júrgizilip jatyr. 381 turǵyn úılerin ózderi jóndeıdi. Mehanıkalandyrylǵan brıgadalar 88 baspanany qalpyna keltirdi. Memleket basshysynyń tapsyrmasy boıynsha zardap shekkenderge turǵyn úı berý boıynsha aýqymdy jumys júrgizildi. Páter satyp alýǵa 1085 shart jasadyq. 925 páterdiń kilti jáne «Birlik» shaǵyn aýdanynda salynǵan 289 úı turǵyndarǵa berildi, Aýdanda qazir avtobýstar júretin kóshe-joldar jóndelip jatyr», - dedi Serik Muhamedıev.

Qala ákiminiń aıtýynsha, 100 AEK mólsherindegi birjolǵy áleýmettik kómekti 7455 adam aldy, berilgen soma 2 mln 752 myń teńge. Onyń ishinde 4 838 adam 1 mln 786 myń teńgeni saıajaıy úshin alǵan. Budan bólek, 2038 turǵynǵa 150 AEK – barlyǵy 989 myń teńge berildi.

«1300-den astam apatty úı buzyldy. Qazirdiń ózinde 115 myń tonnadan astam qoqys shyǵaryldy. Zaqymdalǵan kommýnıkatsııalar da qalpyna keltiriledi, qazir aryqtardy tazartý jumystary júrgizilip jatyr. Saıajaı ýchaskelerinde turaqty turatyn azamattardan keltirilgen zalaldy óteýge 112 ótinish tústi. 35 ǵımarat apatty dep tanyldy, 59 saıajaı úıi jóndeledi. Komıssııa jumysy aıaqtalǵan joq. 11 adamnyń ótinishi keri qaıtaryldy, óıtkeni olardyń saıajaıdan basqa turatyn úıleri bolǵan, al keıbiri ýchaskede úı turǵan dep ótirik aıtqan», - deıdi Petropavl ákimi.

Al tasqyn kezinde birinshi qabaty sý astynda qalǵan ıÝ. A. Gagarın atyndaǵy №14 orta mektepte jóndeý jumysy 30 tamyzǵa deıin aıaqtalmaq.

«Qazirgi ýaqytta ǵımaratqa kúrdeli jóndeý júrgizilip, qasbet pen irgetasty nyǵaıtý, birinshi qabattaǵy oqý kabınetteriniń ishki qabyrǵalaryn ishinara ornatý, eden jabynyn aýystyrý, jylytý, elektrmen jabdyqtaý jáne ishki sýmen jabdyqtaý júıelerin aýystyrý jumysy atqarylady. Jalpy osy ýaqytqa deıin úlken jumys oryndaldy. 1 qazanǵa deıin sý tasqynyna qatysty barlyq jumysty aıaqtaý mindeti tur. Búgingi tańda ýaqytsha turý pýnktterinde 400-ge jýyq adam bar ekenin atap ótkim keledi. Olar qalpyna keltirý jumystary júrgizilip jatqan úıler men páterlerge qonystanady. Oǵan deıin osy arnaıy oryndarda turady», - dedi Petropavl ákimi Serik Muhamedıev.

Buǵan deıin SQO-da jeti er adamnyń áıeliniń tegine ótkenin jazǵan edik.