Petropavldaǵy saýda úıindegi órtke qatysty qylmystyq is qozǵaldy
Petropavl qalasy ákiminiń orynbasary Sergeı Melehovtyń aıtýynsha, qazirgi ýaqytta 7 páterge zaqym kelgeni belgili. Bul baspanalarda shamamen 30 shaqty adam turady.
— Odan bólek 7 býtık pen «Magnum» saýda ortalyǵy janyp ketti. Oqıǵa ornynda Petropavl qalalyq ákimdiginiń turǵyn úı qyzmeti jumys istep, órt kezinde synǵan terezelerdi bitep, turǵyndarǵa saldaryn joıýǵa kómektesip jatyr. Evakýatsııalanǵan turǵyndarǵa sol jerde kómek kórsetildi. «Magnum» saýda ortalyǵy jáne «Ognı Kaspııa» dámhanasy turǵyndardy ystyq tamaq, shaı, sýmen qamtydy. Jergilikti atqarýshy organ baspanasyna zaqym kelgen turǵyndardy ýaqytsha jańa jataqhanaǵa ornalastyrady, biraq ázirge, ótinish bildirgender joq. Qaýipsiz jerge shyǵarylǵan turǵyndarǵa jolaýshy tasymaldaýshylar eki avtobýs bóldi. Keshke deıin aýlany qalypqa keltirý úshin kommýnaldyq qyzmet jumys istep jatyr, — deıdi Petropavl qalasy ákiminiń orynbasary Sergeı Melehov.
Qylmystyq is qozǵaldy, oqıǵanyń mán-jaıy anyqtalyp jatyr. Kelgen shyǵyndy kináli óteıdi.
Soltústik Qazaqstan oblysy tótenshe jaǵdaılar departamenti bastyǵynyń orynbasary Dmıtrıı Rastıhınniń aıtýynsha, órtengen ǵımaratta sońǵy tekseris byltyr sáýir aıynda júrgizilgen. Sol kezde 16 zań buzýshylyq anyqtalǵan. Ol elektr jelileriniń durys istemeýine jáne ǵımarat bólmelerin qaıta bólýge qatysty bolǵan. Keıin ákimshilik olqylyqtardyń joıylǵandyǵy jóninde esep bergen eken.
Esterińizge salaıyq, búgin tańǵy saǵat 4:50-de Petropavldaǵy «Rahat» saýda úıinde órt shyǵyp, ol tek saǵat 10.00 shamasynda ǵana tolyq sóndirildi. Órt 200 sharshy metr aýmaqty sharpydy.
Órt kezinde 11 avtopatrýl jáne 35 polıtseı oqıǵa ornyn qorshaýǵa alǵanyn jazǵan edik.