Petropavldaǵy mektepterde qaýipsizdik sharalary kúsheıtildi

<p>PETROPAVL. KAZINFORM &ndash; Petropavl mektepterinde terrorızm aktisi týraly jalǵan habarlamalardyń taralýyna baılanysty sotqa deıingi tergeý bastaldy.</p>

Soltústik Qazaqstan oblysy polıtsııa departamentiniń bastyǵy Aıdyn Qabduldınov búgin «19 aqpan Petropavldyń 7 mektebine shabýyldaımyz» dep áleýmettik jelide taraǵan jazbaǵa qatysty túsinik berdi. 

«Polıtsııa sotqa deıingi tergeýdi bastady. Petropavl qalasynyń mektepterindegi terrorızm aktisi týraly jalǵan habarlaýǵa qatysy bar tulǵalardy anyqtaý boıynsha jumystar júrgizilip jatyr. Sonymen birge oqý oryndarynda qaýipsizdikti qamtamasyz etý jáne kúzetti kúsheıtý boıynsha qajetti sharalar qabyldandy; oblys ortalyǵyndaǵy barlyq oqý oryndaryna jeke quramnyń kúshteri men quraldary bólinip bekitildi. Buǵan deıin osyǵan uqsas habarlamalar kórshi memleketten Qazaqstannyń basqa birqatar óńirlerine kelip tústi.Atalǵan másele meniń jeke baqylaýymda. Halyqty osyndaı habarlamalardan úreıge berilmeýge jáne tek resmı aqparat kózderine senýge shaqyramyz», - dedi Aıdyn Qabduldınov. 

Búgin Petropavl kóshelerinde vıntovkaǵa uqsas zatpen kóshede júrgen jasóspirimniń ustalǵanyn aıtqan edik.