Petropavldaǵy QR Ulttyq ulany akademııasyndaǵy referendým ýchaskesi jumysyn aıaqtady

<p>PETROPAVL. KAZINFORM &ndash; Soltústik Qazaqstan oblysynda búgin 600-ge jýyq refrendým ýchaskesi jumys istep jatyr. Onyń 97-si oblys ortalyǵynda ornalasqan. Solardyń biri &ndash; QR Ulttyq ulany akademııasyndaǵy №655 ýchaske.</p>

Jabyq referendým ýchaskesi tańǵy saǵat 6.00-de ashylyp, jumysyn bastap ketti. Bul jerde 596 adam óz tańdaýyn jasaýy tıis. Olar – QR Ulttyq ulany akademııasynda jumys isteıtin oqytýshylar, áskerıler jáne olardyń týǵan týystary, sondaı-aq kýrsanttar. 

Foto: QR UU akademııasy baspasóz qyzmeti

«655 referendým ýchaskesine tańǵy 5.00-de kelip, daıyndyǵyn tekserip, bıýlletender tarattyq. Saǵat tańǵy 6.00-de ánuranymyzdy aıtyp, ýchaskemizdi ashtyq. Bir saǵat ishinde 200-ge jýyq adam daýys berip úlgerdi», - deıdi №655 referendým ýchaskesiniń tóraǵasy Erden Balǵymbaev. 

Búgin daýys berip jatqan kýrsanttardyń 78-i – mundaı naýqanǵa alǵash ret qatysty. Solardyń biri – Óskemen qalasynyń turǵyny Danııar Oralǵazy. Bozbala bıyl akademııaǵa oqýǵa tústi. Jaqynda 18-ge toldy. 

Foto: QR UU akademııasy baspasóz qyzmeti

«Alǵash daýys berip jatyrmyn. Atom elektr stansasynyń qurylysy máselesi kópten talqyǵa túsip jatyr. Osy refrenedým arqyly durys sheshim qabyldanady dep esepteımin», - deıdi kýrsant. 

Nátıjesinde №655 ýchaskede daýys berý alǵashqylardyń biri bolyp aıaqtaldy. 

Buǵan deıin jalpyulttyq referendýmda SQO-dan 375 236 adam quqyǵyn paıdalanyp, daýys bere alatyndyǵyn jazǵan edik. 

Aıta keteıik, tańǵy saǵat 07:00-den bastap Ulttyq ulannyń áskerı qyzmetshileri Qazaqstan qalalarynda qoǵamdyq qaýipsizdikti qamtamasyz etýge jumyldyryldy.