Petropavlda dámhana demalýshylary janjaldasyp, kúdiktilerdiń biri qarý qoldandy

<p>PETROPAVL. KAZINFORM &ndash; Er adamdy pyshaqtady degen kúdikpen Petropavl turǵyny ustaldy.</p>

Soltústik Qazaqstan oblysy polıtsııa departamenti baspasóz qyzmetiniń málimetinshe, kúdiktini uıymdasqan qylmysqa qarsy kúres basqarmasynyń qyzmetkerleri ustady. 

Qazirgi ýaqytta istiń mán-jaıy anyqtaldy, ıaǵnı Petropavldaǵy dámhanalardyń birinde demalýshylardyń eki toby daýlasyp qalyp, arty jandalǵa ulasqan. Saldarynan bir adam pyshaq jaraqatyn alyp, oblys ortalyǵyndaǵy medıtsınalyq mekemege jetkizildi. 

Jedel-izdestirý is-sharalarynyń nátıjesinde buryn birneshe ret sottalǵan 27 jastaǵy Petropavl turǵyny anyqtalyp, ustaldy.

«Ustaý kezinde ol áli de mas kúıinde boldy. Kúdikti ýaqytsha ustaý ızolıatoryna qamaldy. Qylmystyq is qozǵaldy», - dedi SQO PD Uıymdasqan qylmysqa qarsy kúres basqarmasynyń bastyǵy Jandos Basybaev.