Petropavldaǵy 2-JEO kásipornynda 200 mamannyń orny bos tur

<p>PETROPAVL. KAZINFORM &ndash; QR Parlamenti Senatynyń depýtattar toby Petropavl JEO-2-de boldy. Olar energetıka salasyndaǵy qazirgi máselelermen jáne olardy sheshý joldarymen, jylytý maýsymynyń barysymen tanysty.</p>

QR Energetıka vıtse-mınıstri Suńǵat Esimhanov jáne senatorlar eń aldymen kásiporyndaǵy jańadan turǵyzylǵan murjanyń qurylysyn kórdi. 

«Murjanyń bıiktigi 180 metr, dıametri 20 metrden asady. Al qabyrǵasynyń qalyńdyǵy 2,8 metr. Jalpy salmaǵy 15 myń tonnadan asady. Syrtqy jumys aıaqtaldy. Keler jyly nysandy iske qosý jumysy jalǵasady», - dedi «SEVKAZENERGO» AQ bas dırektorynyń orynbasary Petr Bogdanov. 

Qazirgi ýaqytta Petropavl JEO-2 kúzgi-qysqy kezeńnen ótý úshin jetkilikti otynmen qamtamasyz etilgen. Búginde stantsııada 140,3 myń tonna kómir, 836 tonna mazýt bar. Bul kem degende 20 táýlikke jetetin qor. 

Kezdesý barysynda sala mamandarynyń tapshylyǵy máselesine erekshe nazar aýdaryldy. 

«Kásiporyndaǵy eń úlken másele – kadr jetispeýshiligi. Sońǵy úsh jylda eńbekaqyny 240 myńnan 389 myńǵa deıin kótergen, alaıda áli de mamandar jetispeıdi. Bul jumysqa úlken qolbaılaý bolyp jatqanyn aıtyp jatyr», - deıdi QR Parlamenti Senatynyń depýtaty Álibek Náýtıev. 

Energetıkter jylytý maýsymynyń ótýi jáne ınvestıtsııalyq baǵdarlamanyń oryndalýy týraly esep berdi. Bıyl nysanda jóndeý júrgizýge 18,8 mlrd teńgege jýyq qarajat bólindi. 

Buǵan deıin SQO-dan 10 aıda 21 myń adamnyń kóship ketkenin jazǵan edik.