Petropavlda jylý magıstraliniń 68% eskirgen
Petropavldaǵy 19-shaǵynaýdanda ornalasqan №5-shi jylý magıstralinde bir aıdan berý jóndeý, qalpyna keltirý jumystary júrgizilip jatyr. Qazir ýchaskege 35 jumysshy jáne 12 tehnıka jumyldyrylǵan. Jospardan qalmaý úshin mamandar tańǵy saǵat 8.00-den keshki saǵat 19.00-ge deıin jumys istep jatyr. Jylý magıstrali jylytý maýsymyna deıin paıdalanýǵa berilýi kerek.
«Bul joba eki jylǵa shaqtalǵan. Bıyl qubyrdyń 1,2 km jańartýymyz qajet. Qubyr penopolıýretandyq oqshaýlaǵyshy bar, dıametri – 630 mm. Qazir jumys eki ýchaskede qyzǵan. Búginde 300 metri jónge keltirildi. Jospar boıynsha bıylǵy jumysty qyrkúıek aıynyń basynda aıaqtaımyz. ıAǵnı turǵyndar ýaqytynda jylý magıstraline qosylady. Qazirgi ýaqytta jóndelip jatqan qubyrdyń dıametri 350-400 mm, trassanyń 500 metri buzyp alyndy. Keste boıynsha jumys atqarylyp jatyr.
Bul qubyr óte eskirgen. Ótken jylytý maýsymynda ol birneshe ret tesildi, sol sebepti jańasyna aýystyryp jatyrmyz», – deıdi bas merdiger, «Petropavlovskspetskommýnstroı» JShS basshysy Evgenıı Dzıýbenko.
Petropavlda jylý jelileriniń jalpy uzyndyǵy 284 km, onyń 55 km qalalyq ákimdiktiń balansynda. Jalpy bıyl 11,7 km qalpyna keltirý josparlanǵan.
Petropavl qalasy ákiminiń orynbasary Ádilbek Áýbákirovtyń aıtýynsha, 2,9 km qubyrdyń dıametri 200,300 jáne 400 mm, olar 600 mm qubyrlarǵa aýystyrylady. Bul salynyp jatqan jańa nysandardy jylýǵa qosýǵa múmkindik beredi.
«Budan bólek osyndaı jumystar №15 jylý magıstralinde de atqarylyp jatyr. Ol jerdegi qubyrlardyń dıametri 800 mm bolǵan edi. Endi ol 1000 mm qubyrǵa aýystyrylady», - deıdi Ádilbek Áýbákirov.
Petropavldaǵy jylý jelilerin jóndeýge jáne qaıta qalpyna keltirýge bıyl respýblıkalyq bıýdjetten 4 mlrd teńge bólindi. Bul ótken jylmen salystyrǵanda 4 ese kóp. Bul jumys keler jyly jalǵasyn tabady.