Petropavlda jyl basynan memleket qajettiligi úshin 150 jer ýchaskesi alyndy
Petropavlda memleket qajettiligi úshin múlikti ıelikten shyǵarý máseleleri boıynsha jumys tobynyń qyzmeti týraly brıfıng ótti. Petropavl qalasy ákiminiń orynbasary Vladıslav Lýkınniń aıtýynsha, Petropavlda qarqyndy qurylys 2016 jyldan bastap júrgizilip keledi. Nátıjesinde «Jas órken», «Bereke» sııaqty jańa yqsham aýdandar paıda boldy. Buryn bul jerlerde úıleri jartylaı jerge kirgen jeke sektor bolsa, qazir záýlim ǵıarattar boı kótergen.
«Qazir Petropavlda «Jas órken», Kopaı, «Bereke-2» yqshamaýdandary jáne Sh.Ýálıhanov pen M.Jumabaev kósheleri damytylyp jatyr. Bul aýdandardaǵy úılerdiń 80% adam turǵysyz eski jáne apatty jaǵdaıda boldy. Mundaı úıler syrylýy kerek. Al olardyń ıelerine jaıly baspana beriledi», - deıdi Vladıslav Lýkın.
Syrylǵan úılerdiń ornyna 70 kópqabatty úı, áleýmettik nysandar: teatr, sport nysandary, Oqýshylar saraıy, mektepter, emdeý mekemeleri, saıabaqtar salyna bastady.
«Sońǵy 4 jylda memleket qajettiligi úshin 900 jer ýchaskesi alynsa, sonyń 150-i bıylǵy jyldyń enshisinde. Jyl sońyna deıin eski úılerdi syrý jumystary júrgiziledi. Olardyń ornyna «Jas Órkende» 836 páterli 8 úı, saıabaq, Sh. Ýálıhanov kóshesinde 666 páterli 7 baspana salynady, 900 oryndyq mekteptiń jany abattandyrylady. Astana-Brýsılovskıı-Qazaqstan Konstıtýtsııasy kósheleriniń boıynda saıabaq, al N.Nazarbaev-Shýhov kósheleriniń shekarasynda 144 páterli turǵyn úı salý úshin jer ýchaskeleri alynady. N.Nazarbaev-Krepostnaıa-Kazahstanskaıa pravda kósheleri men 8 mekteptiń shekarasynda sport kesheni turǵyzylady», - deıdi qala ákiminiń orynbasary.