Petropavlda jyl sońyna deıin IT hab ashylady

<p>ASTANA. KAZINFORM &ndash; Elimizde taǵy bir IT hab esigin ashady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti.&nbsp;</p>

«Óńirlik habtardyń damýy bizdiń ınnovatsııalyq ekojúıemizdiń negizgi elementine aınaldy. Búginde el aýmaǵynda 17 óńirlik IT hab jumys istep tur. Olar jergilikti startaptar men kásipkerlikti damytýǵa belsendi yqpal etedi. Startaptar men IT ındýstrııasyn damytý jónindegi barlyq baǵdarlama aımaqtyq IT habtarǵa qoljetimdi. Jyl sońyna deıin Petropavlda taǵy bir habty iske qosý josparlanyp otyr. Osylaısha, óńirlik habtar otandyq IT ındýstrııany damytýdyń mańyzdy draıverine aınalýda», - dedi Jaslan Mádıev Úkimet otyrysynda.

Mınıstrdiń sózinshe, óńirlerdegi IT habtar talanttardy ashýǵa jáne ınnovatsııalyq ekojúıeni qurýǵa yqpal etedi. 

Aıta keteıik, Úkimet basshysy Oljas Bektenov IT habtar men venchýrlik qorlar ekonomıkanyń basty draıverine aınalýy kerektigin aıtty. 

Sondaı-aq qazaqstandyqtardyń jeke derekterin jınaıtyn kompanııalardan qaýipsizdik maqsatynda kıbersaqtandyrý talap etiletini belgili boldy.