Petropavlda jaýyn saldarynan turǵyn úılerge sý kirdi

<p>PETROPAVL. KAZINFORM &ndash; Petropavlda búgin jańbyr quıyp, saldarynan turǵyn úılerge sý kirdi. Kóshelerde tolarsaqtan keler sý tur.&nbsp;</p>

Áleýmettik jelide paıda bolǵan beınejazbalardan turǵyndardyń tańdanysyn baıqaýǵa bolady. Óıtkeni buǵan deıin jańbyr jaýǵanymen, munshalyqty sý qala kóshelerinde turǵan emes. 

Keı turǵyndar páterlerine tóbeden sý aǵyp, dúnıe-múlkine zaqym kelgenine shaǵymdanyp jatyr. 

Petropavldyń Oıqala yqsham aýdanynda aqqan jańbyr sýy turǵyn úılerge kirip ketti.

Foto: Oral Ámirenov

«Qazgıdromet» RMK Soltústik Qazaqstan oblystyq fılıalynyń málimetinshe, oblys aýmaǵyna Soltústik tsıklony áser etip, atmosferalyq jyly jáne sýyq fronttardyń ótýinen qatty jańbyr jaýyp, naızaǵaı oınady.

Petropavldaǵy «Qyzyljar» avtomatty meteorologııalyq stantsııasynda saǵat 12.00-de 44,1 mm jańbyr jaýǵan. Bul onkúndik normadan 1,9 ese asyp, aılyq normadan 64% qurady. Budan bólek keı jerlerde dıametri 5 mm burshaq 3 mınýt boıy jaýǵan. Petropavlda áli de jańbyr quıyp tur. 

Buǵan deıin SQO bilim basqarmasyna jańa basshy taǵaıyndalǵanyn jazǵan edik.