Petropavlda jataqhana órtenip, 107 adam evakýatsııalandy

PETROPAVL. QazAqparat – Petropavl qalasyndaǵy jataqhanalardyń birinen órt shyǵyp, qutqarýshylar 107 adamdy evakýatsııalady, dep habarlaıdy QazAqparat tilshisi.

Tótenshe jaǵdaılar departamenti baspasóz qyzmetiniń málimetinshe, órt bes qabatty úıdiń ekinshi qabatynda tutanǵan. Qyzyl jalyn 20 sharshy metrdi alańdy sharpydy.

«Órt týraly qońyraý saǵat 12:37-de tústi. Oqıǵa ornyna jeke quramnan 41 adam men 13 tehnıka jiberildi. 107 adam evakýatsııalandy, onyń 13-i bala. Saǵat 13:21-de órt tolyq sóndirildi. Qaza bolǵandar men zardap shekkender joq. Órttiń shyǵý sebebi anyqtalýda», - dep málim etti quzyrly organnyń baspasóz qyzmetinen.

Jataqhana ǵımaratynyń birinshi qabatynda barbershop, meıramhana jáne bank fılıaly ornalasqan.