Petropavlda jarylǵysh zat qoıylǵandyǵy jónindegi habarlama jalǵan bolyp shyqty

PETROPAVL. QazAqparat - Petropavlda Qazaqstan Konstıtýtsııasy kóshesi, 15 mekenjaıyndaǵy ǵımaratqa bomba qoıylǵandyǵy jónindegi habarlama jalǵan bolyp shyqty, dep habarlaıdy QazAqparat tilshisi.

Soltústik Qazaqstan oblysy Polıtsııa departamenti baspasóz qyzmetiniń habarlaýynsha, 13 maýsymda quqyq qorǵaý organyna shahardyń ortalyǵyndaǵy ǵımarattardyń birine jarylǵysh zat qoıylǵandyǵy jóninde habarlama túsken. Saǵat 14:45-te oqıǵa ornyna barlyq shuǵyl qyzmetter jetip, ǵımarat qorshaýǵa alyndy.

Úı-jaıdy tekserý kezinde jarylǵysh zat, sondaı-aq basqa da kúdikti zattar anyqtalmady. Qoǵamdyq tártipti buzýǵa jol berilmedi. Atalǵan fakti QR QK «Terrorızm týraly kórineý jalǵan habarlaý» 273-baby boıynsha sotqa deıingi tergep-tekserýdiń biryńǵaı tizilimine engizildi. Qazirgi ýaqytta qaskúnemdi anyqtaý boıynsha is-sharalar júrgizilýde.

Tártip saqshylarynyń málimetinshe, SQO-da byltyr 10 «jalǵan terrorızm» faktisi tirkelgen. Barlyǵy ashylyp, tıisti tulǵalar jazaǵa tartyldy.

Aıta ketý kerek, qylmystyń bul túrine 5 jylǵa deıin bas bostandyǵynan aıyrý jazasy kózdelgen.