Petropavlda jaryq baǵanyn soqqan kólik aýdarylyp qaldy

PETROPAVL. QazAqparat – Petropavlda kólik júrgizýshisi abaısyzda jaryqtandyrý baǵanyna soǵyldy. Saldarynan baǵan qulap, aýdarylǵan kólikti basyp qaldy, dep habarlaıdy QazAqparat tilshisi.

Jol-kólik apatynyń beınejazbasy áleýmettik jelide paıda boldy. Rolıkte aýdarylǵan kólikti jáne ony basyp jatqan aýyr baǵandy kórýge bolady.

Oqyrmandardyń biri ótip bara jatqan jeńil kólikke jaryqtandyrý baǵany ózdiginen qulap ketti dese, endi biri júrgizýshini kinálap, onyń qatty jyldamdyqpen kelip soǵylǵanyn jazyp jatty.

Petropavl qalalyq polıtsııasy basqarmasy oqıǵanyń mán-jaıyn túsindirip, málimet berdi.

«28 shilde kúni saǵat 19.35 mınýt ketkende «102» jedel arnasyna Petropavldaǵy Abaı kóshesinde jol-kólik apaty bolǵandyǵy jóninde telefon qońyraýy tústi.

Oblys ortalyǵynyń 32 jastaǵy turǵyny «Nissan Note» avtokóligimen kele jatyp, rýlge ıe bola almaı qalǵan. Saldarynan kóshedegi baǵanǵa soǵylyp, mashınasy aýdaryldy.

Jol-kólik oqıǵasynan júrgizýshi zardap shekken joq. Spırttik ishimdik ishpegen. Kólik mamandandyrylǵan avtoturaqqa qoıyldy.

Osy fakti boıynsha protsestik sheshim qabyldaý úshin ákimshilik materıal jınaldy, ol Petropavl mamandandyrylǵan ákimshilik sotyna jiberiledi», - delingen habarlamada.