Petropavlda jańa kópir salynady

PETROPAVL. QazAqparat - Soltústik Qazaqstan oblysyna jumys sapary barysynda Ulttyq ekonomıka mınıstri Álibek Qýantyrov Petropavldaǵy Karavannaıa kóshesi boıyndaǵy apattyq jaǵdaıdaǵy temirjol ótpesiniń jaı-kúıimen tanysty, dep habarlaıdy QazAqparat.

1960 jyldary salynǵan bul ótpege qala turǵyndary únemi shaǵym aıtady. Qurylys shamamen 10 jyl buryn kúrdeli jóndeýden ótken.

Kólik aǵynyn tómendetý úshin Jumysshylar kentinde temirjol arqyly ótetin jańa avtomobıl kópirin salý josparlanýda. Jobanyń quny 5,9 mlrd. teńge. Jalpy uzyndyǵy - 427 metr. Bıylǵy jyly «Qýatty óńirler - el damýynyń draıveri» ulttyq jobasy sheńberinde jumysty bastaý josparlanýda. Respýblıkalyq bıýdjetten 5,4 mlrd. teńgeden astam qarajat bólý qajet. Bıýdjettik ótinim UEM-ge jiberildi.

Budan ári mınıstr «SEVKAZENERGO»AQ Petropavl JEO-2-de boldy. Búgingi tańda kásiporynda 12 qazandyq jáne 7 týrboagregat bar. Tozý - 53,5%.

2023 jylǵa arnalǵan bekitilgen tarıfter sheńberinde jergilikti atqarýshy organdarmen birlesip Kásiporynnyń ınvestıtsııalyq baǵdarlamasy mynadaı bólimder boıynsha túzetildi:

424 mln teńgege qazandyq agregatyn qaıta salý;

740 mln teńgege qazandyq agregatyn kúrdeli jóndeý;

JEO-2 týrboagregatyn 617 mln teńgege qaıta jańartý;

qazandyqty 156 mln teńgege aýystyrý.

kásiporynnyń óndiristik qyzmetkerleriniń jalaqysy shamamen 40% - ǵa ósti. Qazir munda 676 adam eńbek etýde.

Á.Qýantyrovtyń aıtýynsha, mınıstrlik «Tarıfti ınvestıtsııaǵa aıyrbastaý» baǵdarlamasyn júzege asyrýda. Búkil el boıynsha 62 myń shaqyrym ınjenerlik jelini jańǵyrtýǵa shamamen 3 trln.teńge ınvestıtsııa tartý boljanýda. UEM-niń málimetteri boıynsha, bul jelilerdiń tozýyn 2029 jylǵa qaraı 20%-ǵa tómendetýge múmkindik beredi.

«Júrgizilip jatqan barlyq sharalar apattar men jeliden ajyratýlardyń sanyn tómendetýge, shyǵyndardy azaıtýǵa múmkindik beredi. Bul óz kezeginde kórsetiletin qyzmetterdiń sapasy men senimdiligin jaqsartady», - dedi mınıstr.

Sondaı-aq, UEM basshysy «RımKazAgro»JShS qaǵaz ónimderin shyǵaratyn fabrıkanyń jumysymen tanysty.

Qaǵaz ónimderiniń óndirisi jylyna 5 myń tonnany quraıdy. Salynǵan ınvestıtsııa kólemi - 2,5 mlrd. teńge. Jobaǵa «Qarapaıym zattar ekonomıkasy» baǵdarlamasy sheńberinde sýbsıdııa berildi.

Fabrıka «Radýga» kópsalaly kompanııasynyń quramyna kiredi. Jalpy aýdany 37 ga bolatyn ındýstrıaldyq keshende buǵan deıin halyq tutynatyn taýarlar men azyq-túlik ónimderin shyǵaratyn birneshe kásiporyn iske qosylǵan bolatyn. Qazirgi ýaqytta óńir halqyn kókónis ónimderimen jyl boıy qamtamasyz etý maqsatynda jylyjaı kesheniniń belsendi qurylysy júrip jatyr. Jobaǵa ınvestıtsııalar 7,2 mlrd. teńgeni qurasa, onyń ishinde 1,4 mlrd.teńgesi menshikti qarajat.