Petropavlda zeınetkerdiń 6 mln teńgege jýyq aqshasyn alyp ketken jasóspirim ustaldy
Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavl qalalyq polıtsııa basqarmasynyń ekinshi polıtsııa bólimine oblys ortalyǵynyń 71 jastaǵy turǵyny aryzdanyp, úıine kelgen belgisiz adamnyń iri somadaǵy aqshasyn ıemdenip ketkenin aıtqan. Keltirilgen shyǵyn – 5 mln 747 myń teńge. Krımınaldyq polıtsııa qyzmetkerleri oblystaǵy kolledjderdiń biriniń 16 jastaǵy stýdentin izin sýytpaı ustady. Ol urlanǵan aqshany eshqaıda jiberip úlgermegen eken.
«Zeınetkerdiń úı telefonyna bireý qońyraý shalǵan. Oǵan týystarynyń biri jol-kólik oqıǵasyna ushyrap, adamdar zardap shekkenin aıtqan. Іs qozǵamas úshin iri kólemde aqsha talap etipti. 71 jastaǵy zeınetker abdyrap, qolynda 13 myń AQSh dollary bar ekenin aıtqan. Kóp uzamaı aqshany alyp ketýge qylmysty uıymdastyrýǵa qatysy joq, tek alaıaqtardyń aıtqanyn oryndaýǵa dropper keledi. Alaıda ony jedel ýákilder anyqtap, ustady», - deıdi SQO PD bastyǵynyń orynbasary Eńbek Sembın.
Fakti QR QK 190-baby boıynsha Sotqa deıingi tergep-tekserýlerdiń biryńǵaı tizilimine tirkeldi. Tergeý júrgizilip jatyr.
«Polıtsııaǵa ýaqytyly habarlasý qylmysty izin sýytpaı ashýǵa kómektesedi. Polıtsııa qyzmetkerleri baılanyssyz alaıaqtyqtyń aldyn alý boıynsha is-sharalardy únemi júrgizip turady. Biraq osyndaı qylmys zeınetkerlerge qatysty jıi jasalady. Mundaı jaǵdaıda azamattardy sabyr saqtap, qarjylyq operatsııalar jasaǵan kezde asyǵys sheshim qabyldamaýǵa shaqyramyz. Eger osy sııaqty faktiler bolsa, birden polıtsııaǵa habarlaý kerek», - deıdi Eńbek Sembın.