Petropavlda voleıboldan el chempıonatynyń tórtinshi týry máresine jetti

<p>PETROPAVL. KAZINFORM &mdash; Petropavl qalasynda voleıboldan áıelderdiń Ulttyq lıga komandalary arasynda HHHІІ QR chempıonatynyń tórtinshi týr oıyndary aıaqtaldy.</p>

Sońǵy kúni ortalyq matchta Óskemenniń «Bereli» Túrkistannyń «Turanyn» 3:0 (25:17, 25:23, 25:22) esebimen jeńip, qorytyndy kestede 56 upaımen ekinshi orynǵa ıe boldy.

Túrkistandyqtar tórtinshi satyda qaldy.

«Qaraǵandyny» kútkendegideı, 3:0 (26:24, 25:15, 25:21) esebimen qapy qaldyrǵan «Qýanysh» (SQO) 63 upaımen kósh bastady.

«Jetisý» taǵy bir taldyqorǵandyq «Aıqarakóz» klýbyn 3:0 (25:7, 25:17, 25:17) utyp, 53 upaımen úzdik úshtikke ilikti. 

Foto: Qazaqstan voleıbol federatsııasy

Besinshi oryndaǵy «Almaty» Óskemenniń «Altaıynan» 3:0 (25:15, 25:9, 25:11) esebimen basym tústi.

Osylaısha «Aıqarkózden» basqa úzdik segiz komandanyń pleı-off kezeńinde ózara kimdermen kezdesetini belgili boldy.

Atap aıtqanda, «Qýanysh» 8-oryn alǵan «Altaımen», «Berel» «Qaraǵandymen», «Jetisý» Pavlodardyń «Ertisimen», «Turan» «Almatymen» kúsh synasady.

Pleı-off básekeleri Túrkistan qalasynda ótip, chempıonattyń jeńimpaz-júldegerleri anyqtalady.

Foto: Qazaqstan voleıbol federatsııasy

Eske sala keteıik, budan buryn voleıboldan el chempıonatynyń pleı-off satysyna shyqqandar anyqtalǵanyn jazǵan bolatynbyz.