Petropavlda úsh jasóspirim oblystyq balalar aýrýhanasyna basyp kirip, dárigerlerge «tapansha» kezedi

<p>Soltústik Qazaqstan oblystyq kópbeıindi balalar aýrýhanasyna úsh jasóspirim basa-kóktep kirip, dáriger men syrqat qyzdy urdy. Sondaı-aq medıtsınalyq qyzmetkerlerge &laquo;tapansha&raquo; kezep, qoqan-loqqy kórsetti, dep habarlaıdy <a href="Kazinform" target="_blank" rel="noopener">Kazinform</a>.</p>

SQO kópbeıindi balalar aýrýhanasynyń dırektory Nurlan Aımanovtyń aıtýynsha, oqys oqıǵa búgin, shamamen 11.30 mınýt ketkende bolǵan. Aýrýhanasynyń negizgi esiginen 17-18 jastaǵy úsh bozbala kirgen. Olar medıtsınalyq qyzmetkerlerdiń eskertýine qaramastan ishke ótpek bolǵan. Olardyń toqtatýyna boqtyq sóz aıtqan, esik aldynda otyrǵan kúzetshige qoqan-loqqy jasaǵan. Osylaısha ekinshi qabatqa kóterilgen.

- Aıtýlarynsha, jasóspirimder aıaǵy synyp em alyp jatqan 15 jastaǵy dos qyzdaryna kelgen. Ony palatadan korıdorǵa alyp shyǵyp, kýshetkaǵa otyrǵyzyp, basynan ura bastaǵan. Dárigerler, medıtsınalyq qyzmetkerler bozbalalarǵa eskertý jasady. Sol kezde 17 jastaǵy A. degen jasóspirim qasynda otyrǵan qyzdyń baldaǵyn alyp, onyń úshkir basymen nevropatologtyń ishinen urǵan. Osydan keıin qaltasynan tapansha alyp shyǵyp, qorqytyp, boqtyq sózder aıtyp birinshi qabatqa túsken. Qashyp bara jatyp, esikke soǵylyp, onyń áınegin shaqty. Synǵan áınek qolyn kesip, búkil aınala qan boldy. Muny kórgen basqa balalar qatty qorqyp, olardyń moraldyq jaǵdaıyna áser etti. Ol ekinshi esikti de syndyryp, pıstoletpen qorqyta otyryp qashyp ketti, - deıdi Nurlan Aımanov.

Aýrýhana basshysynyń aıtýynsha, oqıǵa ornyna shaqyrtýmen polıtsııa kelip, qazirgi ýaqytta tergeý amaldary júrgizilip jatyr.

- Bul bizdiń aýrýhanada bolǵan birinshi jaǵdaı emes, osyndaı tórtinshi oqıǵa. Biraq birinshi ret tapansha kezep, qyz ben dárigerimizdi uryp ketti. Bul – aqylǵa syımaıtyn nárse. Sondyqtan polıtsııaǵa aryz jazdyq.

Dáriger qazir em alady. Medıtsınalyq qyzmetkerlerimiz orasan psıho-emotsıonaldyq stress aldy. Sondyqtan úılerine jiberildi. Erteń sot-medıtsınalyq saraptama júrgizip, nevropatolog dárigerdiń densaýlyǵyna keltirilgen nuqsan deńgeıi anyqtalady, - deıdi Nurlan Aımanov.

SQO Polıtsııa departamenti baspasóz qyzmeti osy oqıǵaǵa qatysty aqparat taratty.

- 23 qazan kúni saǵat 12:05-te Petropavl qalasynyń polıtsııa basqarmasyna belgisiz adam medıtsınalyq personalǵa tapanshaǵa uqsas zatpen qorqytyp, Petropavldaǵy oblystyq balalar aýrýhanasynyń múlkine zaqym keltirdi degen habarlama kelip tústi.
Qyzmetkerler kámeletke tolmaǵan 17 jasar balany anyqtap, ustady, onyń sómkesinen oıynshyq tapansha tabylyp, tárkilendi.
Atalǵan fakt "Buzaqylyq" boıynsha sotqa deıingi tergep-tekserýlerdiń biryńǵaı tiziliminde tirkeldi, - delingen baspasóz habarlamasynda.

Polıtseılerdiń aıtýynsha, qazirgi ýaqytta istiń barlyq mán-jaılaryn zertteýge baǵyttalǵan tergeý áreketteri júrgizilýde, olardyń nátıjesi boıynsha túpkilikti protsestik sheshim qabyldanatyn bolady.